विवेकशील साझाले फेटा गाउँपालिकामा जित्यो वडाध्यक्ष
वि.सं.२०७९ जेठ ३ मंगलवार
बारा । बाराको फेटा गाउँपालिकामा विवेकशील साझा पार्टीले वडाध्यक्ष जितेको छ ।
वडा नम्बर ६ को वडाध्यक्षमा अमीर हमजा ठकुराई ५९१ मत ल्याउँदै निर्वाचित भएका हुन् ।
उनका निकटतम प्रतिद्वन्दी नेकपा एमालेका जाकिर हुसेन मियाले ४५७ मत पाएका छन् ।
फेटाको अध्यक्षमै विवेकशील साझाका रुस्तम अन्सारीले अग्रता लिएका छन् ।
उनले २ हजार २५८ मत पाउँदा लोकतान्त्रिक समाजवादी पार्टीका मदनप्रसाद साह कानूले १ हजार ४६६ मत पाएका छन् भने जनतासमाजवादी पार्टीका रामएकवाल प्रसाद तेलीले १ हजार ९९ मत पाएका छन् ।
फेटामा १, २, ६ र ७ नम्बर वडाको परिणाम आइसकेको छ भने वडा नम्बर ३,४ र ५ को गणना गर्न बाँकी छ ।
प्रकाशित समय : २३:१४ बजे
