दसैँतिहारको बिदामा हिमालयन बैंकका यी शाखा खुला रहने
वि.सं.२०७८ असोज २४ आइतवार
काठमाडौँ । हिमालयन बैंक लिमिटेडले बडादसैँ र तिहारको बिदाका दिनमा पनि बैंकिङ सेवा प्रवाह गर्ने भएको छ । बैंकले बडादसैँको फूलपाती (असोज २६ गते) र महाष्टमीका दिन (असोज २७ गते) ठमेल शाखा खुला राखी बैंकिङ सेवा प्रदान गर्नेछ। यो शाखा यी दुवै दिन बिहान १० बजेदेखि अपराह्न १ बजेसम्म खुला रहेछ।
यसैगरी तिहारको लक्ष्मी पूजाका दिन कात्तिक १८ गते पनि ठमेल शाखा खुला रहनेछ। यो दिन ठमेल शाखा बिहान १० बजेदखि अपराह्न १ बजेसम्म खुला रहने बैंकले जनाएको छ।
यसैगरी असोज २१ गतेका दिन प्रदेश नं. १ सरकारले सार्वजनिक बिदा दिने निर्णय गरेको छ। यो दिन दमक शाखा बिहान १० बजेदेखि अपराह्न ३ बजेसम्म खुला रहने बैंकले जनाएको छ।
सार्वजनिक बिदाका दिनमा पनि आफ्ना ग्राहकहरुलाई अत्यावश्यक सेवा उपलब्ध गराउने अभिप्रायले यी शाखाहरु खोल्ने निर्णय गरिएको बैंकले स्पष्ट पारेको छ।
२०७८ असोज २४ गते प्रकाशित
प्रकाशित समय : १५:२६ बजे
