नेप्सेमा थपियो सवा ७ लाख बढी कित्ता सेयर थपियो
वि.सं.२०७८ कात्तिक १७ बुधवार
काठमाडौँ। नेपाल स्टक एक्सचेन्ज (नेप्से) मा सवा ७ लाख बढी कित्ता सेयर थपिएको छ।
नेप्सेमा सिनर्जी पावर डेभलपमेन्ट कम्पनीको बोनस सेयर सूचीकृत भएको हो। यो कम्पनीको कुल ७ लाख ३३ हजार २५० कित्ता बोनस सेयर सूचीकृत भएको हो।
सिनर्जी पावरले गत आर्थिक वर्ष २०७७–७८ का लागि सेयरधनीहरुलाई कुल १०.५२ प्रतिशत लाभांश वितरण गरेको थियो। जसमा १० प्रतिशत बोनस सेयर र बाँकी ०.५२ प्रतिशत नगद लाभांश (कर प्रयोजनार्थ) रहेका थिए।
सोही १० प्रतिशतबराबरको बोनस सेयर आज नेप्सेमा सूचीकृत भएको हो।
प्रकाशित समय : १४:२८ बजे
