जेष्ठ नागरिकलाई न्यानो कम्बल वितरण
वि.सं.२०८१ माघ १२ शनिवार
दोलखा । दोलखाको मेलुङ गाँउपालिका वडा नम्बर– २ ले पालिकाको सहयोगमा जेष्ठ नागरिकहरुलाई न्यानो कम्बल वितरण गरेको छ । सो अवसरमा उनीहरुको स्वास्थ्य परिक्षण समेत गरिएको थियो ।
जेष्ठ नागरिकहरुलाई न्यानो कम्बल वितरण गर्दै पालिका अध्यक्ष हिराकुमार थोकरले जेष्ठ नागरिकलाई जाडो मौसममा राहत पुगोस भनेर पालिकाले न्यानो कम्बल वितरण गरेको बताए । यस्तो कार्यक्रम हरेक वडामा भै रहेको पालिका अध्यक्ष थोकरको भनाई छ ।
जेष्ठ नागरिक सबैको अभिभावक भएकोले उहाँहरुको सुरक्षा पालिकाको मुख्य जिम्मेवारी हो अध्यक्ष थोकरले भने । हामीले जेष्ठ नागरिकहरुको लागि हरेक बर्ष आवश्यकता अनुसारको सामग्री वितरण एवम् नियमित स्वास्थ्य परिक्षण गर्दै आई रहेका छौ ।
त्यस्तैगरी पालिकाको सहयोगमा वडा नम्बर– २ ले यो बर्ष ८० देखी ८५ बर्ष उमेर समूहका ३० जना जेष्ठ नागरिकलाई न्यानो कम्बल वितरण तथा झण्डै डेढ सय जनाको स्वास्थ्य परिक्षण गरेको वडा अध्यक्ष रामकृष्ण भण्डारीले बताए ।
कार्यक्रममा जेष्ठ नागरिक, एकल महिला लगायतलाई सामाजिक सुरक्षा भक्ता समेत वितरण गरिएको वडा नम्बर– २ का वडा अध्यक्ष भण्डारीले बताए ।
प्रकाशित समय : २१:३४ बजे
