काठमाडौंं । नेकपा माओवादी केन्द्रबाट मनाङको नेस्याङ गाउँपालिका वडा नम्बर ९ का वडा अध्यक्षमा चोल्पा गुरुङ निर्विरोध निर्वाचित भएका छन् ।

आज (सोमबार) मनोनयन दर्ता गर्नेक्रममा गुरुङको मात्रै उम्मेदवारी परेपछि उनी निर्विरोध निर्वाचित भएका हुन् ।

गाउँपालिकाका तीनजना एमाले, काँग्रेस समर्थित समेत निर्विरोध निर्वाचित भएको माओवादी केन्द्रका नेता देव गुरुङले बताए ।

‘वडामा सबै पार्टीका नेताहरुले सल्लाह गरेर वडा अध्यक्ष माओवादीलाई दिएका थिए, अरु वडा सदस्य एमाले काँग्रेसलाई दिएको थियो’ रातोपाटीसँग कुरा गर्दै गुरुङले भने, ‘बेलुका ५ बजेसम्म कसैको उम्मेदवारी नपरेपछि वडाको सबै सिटमा निर्विरोध निर्वाचित भयो ।’

वडाबाटै सल्लाह गरेर उम्मेदवारी दर्ता गर्न गएकाले अरु कसैको उम्मेदवारी नपरेको गुरुङले बताए । नेस्याङका गुरुङ सबैभन्दा पहिलो निर्विरोध निर्वाचित हुने वडा अध्यक्ष भएका छन् ।