स्थानिय तहमा एमालेले खाता खोल्योः वडा अध्यक्षमा निर्बिरोध निर्वाचित
वि.सं.२०७९ वैशाख १२ सोमवार
काठमाडौंं । बैशाख ३० गते हुन गइरहेको स्थानिय तहको निर्वाचनमा नेकपा एमालेले खाता खोल्न सफल भएको छ ।
पूर्वी पहाडी जिल्ला ताप्लेजुङको ओलाङचुङगोलामा एक वडा अध्यक्ष निर्बिरोध निर्वाचित भएका छन् ।
ताप्लेजुङको फक्तालुङ गाउँपालिका वडा नम्बर ७ मा पर्ने ओलाङचुङगोलाका वडाध्यक्ष छेतेन शेर्पा भोटे निर्बिरोध भएका हुन् ।
यस्तैगरि सदस्यहरूमा टासी शेर्पा, वाङ्ग्या शेर्पा, फुपुल्हामु श्रेष्ठ र विपना तुम्बाहम्फे विक निर्बिरोध भएका छन् । गाउँमा एमाले र कांग्रेस दुवै पक्षले उम्मेदवारी दिने तयारी गरे पनि पार्टीगत रूपमा जनतालाई विभाजित नगर्ने भन्दै सर्वसम्मत गरिएको हो ।
देशभरी उम्मेदवारी मनोनयन र टिकटको लागि सकस भइरहेको बेला ओलाङचुङगोलामा गाउँ भेलाले एमाले नेता शेर्पालाई वडाअध्यक्ष बनाउने निर्णयसहित निर्बिरोध बनाएका हुन् ।
प्रकाशित समय : १८:२७ बजे
