काठमाडौं । मैलुङ खोला जलविद्युत कम्पनीकले सर्वसाधारणलाई निष्काशन गरेको प्राथमिक शेयर (आईपीओ) बाँडफाड भएको छ ।आइतबार भएको र बाँडफाँडको काम आज (मंगलबार) बिहान ९ बजे बिक्री प्रबन्धक सिद्धार्थ क्यापिटल लिमिटेडको कार्यालयमा सम्पन्न भएको हो ।

आईपीओमा जम्मा २० लाख ६७ हजार ९६७ जना अर्थात ३९ गुणा बढिले आवेदन दिएका थिए भने जसमध्ये २ हजार ८४३ जनाको आवेदन रद्द भएको छ।

बाँकी २० लाख ६५ हजार १२४ जनाको आवेदन स्वीकृत भएको छ । स्वीकृत आवेदनमध्ये ६८ हजार ४७४ जनालाई १० कित्ताका दरले शेयर पाएका छन । जसमध्ये ६ जनाले थप १ कित्ता गरी कुल ११ कित्ता शेयर प्राप्त गरे ।

मैलुङ खोला जलविद्युत कम्पनीले प्रतिकित्ता १ सय रुपैयाँ अंकित दरमा ७ करोड ३६ लाख २८ हजार ६ सय रुपैयाँ बराबरको ७ लाख ३६ हजार २८६ कित्ता आईपीओ निष्कासन गरेको थियो ।

त्यसमध्ये २ प्रतिशत अर्थात् १४ हजार ७२६ कित्ता कम्पनीका कर्मचारी र ५ प्रतिशत अर्थात् ३६ हजार ८१४ कित्ता सामूहिक लगानी कोष र बाँकी ६ लाख ८४ हजार ७४६ कित्तामा सर्वसाधारणका लागी छुट्याइएको थियो ।

कम्पनीको आईपीओमा मागभन्दा बढी आवेदन परेकाले गोला प्रथा विधिबाट बाँडफाँड गरिएको छ। त्यसमध्ये ६ जनाले थप १ कित्ता गरी कुल ११ कित्ता शेयर प्राप्त गरेका छन ।

त्यसैगरी आवेदन दिएका लगानीकर्ताहरुमध्ये २० लाख ५० हजारभन्दा बढीको हात खालि भएको छ । प्रिअलटमेन्ट सकेर शेयर बाँडफाँड गरेको बिक्री प्रबन्धक सिद्धार्थ क्यापिटलले जनाएको छ ।

रिजल्ट यसरि हेर्नुहोस।
आईपिओ बाँडफाँडको काम सम्पन्न भईसकेको भएपनि डाटा अपलोड गर्न केहि समय लाग्ने भएकाले आईपिओको नतिजा हेर्न केहि समय लाग्ने छ । रिजल्ट सार्वजनिक भएपछि कम्पनीको आईपीओको नजिता ४ तरिकाबाट हेर्न सकिन्छ ।

सिडिएस एण्ड क्लियरिङ लिमिटेडले सञ्चालनमा ल्याएको https://iporesult.cdsc.com.np नामक वेभसाइटबाट, सिद्धार्थ क्यापिटल लिमिटेडको वेभसाइट https://www.siddharthacapital.com, मैलुङ खोला जलविद्युत कम्पनी लिमिटेडको वेभसाइट https://mailungkhola.com र मेरो सेयरमा गई आफुले आईपीओमा आवेदन गर्दाको एप्लिकेसन रिपोर्टमा गएर हेर्न सकिन्छ ।

२०७८ साउन २६ गते प्रकाशित