छिन्नमस्ता सखडेश्वरी शक्तिपीठमा भगवतीको चाँदीको मुकुट चोरी, खोजी गर्न सीमानाका बन्द
वि.सं.२०७८ साउन १८ सोमवार
सप्तरी । सप्तरीको छिन्नमस्ता गाउँपालिकास्थित प्रसिद्ध छिन्नमस्ता सखडेश्वरी शक्तिपीठमा भगवतीको चाँदीको मुकुट (मस्तक) चोरी भएको छ ।
मुकुट आईतबार साँझ सवा सात बजेतिर चोरी भएको हो । मुकुट चोरी भएपछि खोजीकार्यका लागि ब्यापक प्रहरी परिचालन गरिएको छ ।
घटनासँगै प्रमुख जिल्ला अधिकारी जयनारायण आचार्यको नेतृत्वमा प्रहरी उपरीक्षक राजेन्द्रप्रसाद धमला, प्रहरी नायब उपरीक्षक माधवप्रसाद काफ्लेसहितको टोली त्यहाँ पुगेको छ । खोजी कार्यलाई तीव्रता दिएर चोरी भएको ठाउँसहित जिल्लाका भारतीय सीमानाका बन्द गरिएको छ ।
२०७८ साउन १८ गते प्रकाशित
प्रकाशित समय : ०७:३८ बजे