काठमाडौँ । सोमबार सुनको मूल्यमा सामान्य गिरावट आएको छ । नेपाली बजारमा आज सूनको मूल्य सय रुपैयाँले घटेको हो ।

यो सँगै आज छापावाला सुन प्रतितोला ९२ हजार ३ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । अघिल्लो दिन ९२ हजार ४ सय रुपैयाँमा कारोबार भएको थियो ।

महासंघले तेजावी सुनको मूल्य भने ९१ हजार ८ सय रुपैयाँ निर्धारण गरेको छ ।

अघिल्लो कारोबार दिन तोलामा ९१ हजार ९ सय रुपैयाँमा खरिदबिक्री भएको थियो ।

यस्तै, सोमबार पनि चाँदीको मूल्य स्थिर रहेको छ । अघिल्लो दिन प्रतितोला १२ सय ८५ रुपैयाँमा कारोबार भएको चाँदी सोही मूल्य निर्धारण भएको महासंघले जनाएको छ । चाँदीको भाउ विगत तीन कारोबार दिनदेखि स्थिर रहेको छ ।
२०७८ साउन १८ गते प्रकाशित