गुल्मी । जिल्लाको मालिका गाउँपालिका र पालिकाको वडा नम्बर-५ स्थित छापहिले स्वास्थ्य चौकीलाई स्वास्थ्य सामाग्री हस्तान्तरण गरिएको छ । एन पि भण्डारीको प्रमुख पहलमा रोयल थाइ मोनास्ट्री, विश्व शान्ति मन्दिर, डा. दिल बहादुर थोकर, एक–एक पाईला फाउन्डेसन, तिलगंगा आँखा अस्पताल, दाता पुनम सिंह मार्फत तुल्सिराम अर्याल र केशव आचार्यको सहकार्यमा अत्यावश्यक स्वास्थ्य सामाग्रीहरू हस्तान्तरण गरिएको हो ।

सामाग्रीहरूमा अक्सिजन कन्सन्ट्रेटर, अक्सिजन सिलिन्डर, बेबी वार्मर, डेलिभरी सेट, सक्सन मसिन, डेलिभरी बेड, नेजल क्यानुला लगाएत रहेको तुल्सीराम अर्याल बताए । कोरोनाले स्वास्थ्य क्षेत्रमा पारेको असर र स्वास्थ्यकर्मी को जोखिमलाई मध्यनजर गरि उक्त कार्यक्रम गरिएको हो ।

हस्तान्तरण कार्यक्रममा गाउँपालिकाकी उपाध्यक्ष, प्रमुख प्रसासकिय अधिकृत, प्रमुख स्वास्थ निरीक्षक, मालिका ५ का वडा अध्यक्ष लगायत को उपस्थिति थियो ।

यस अघि पनि उक्त टिमले छापहिले स्वास्थ्य चौकिलाई स्वास्थ्य सामाग्री हस्तान्तरण गरेको थियो ।

२०७८ असार २५ गते प्रकाशित