युनियन लाइफको आइपिओमा दुई दिनमै २.९४ गुणा बढी आवेदन
वि.सं.२०७८ असार २५ शुक्रवार
काठमाडौं । युनियन लाइफ इन्स्योरेन्सको आईपीओमा आज दोश्रो दिनमा नै २.९४ गुणा बढी आवेदन परेको छ । आज दिउँसो ३ः३० बजे सम्म ११ लाख २८ हजार ३ सय ८४ जना सर्वसाधारण लगानीकर्ताहरुबाट १ अर्ब ८९ करोड ७९ लाख ९३ हजार रकम बराबरको १ करोड ८९ लाख ७९ हजार ९ सय ३० कित्ता शेयरको लागि आवेदन परेको हो । जुन माग भन्दा झण्डै तीन गुणा बढी हो ।
आइपिओमा लगानीकर्ताहरुले न्यूनतम १० कित्ता देखि अधिकतम ३२ हजार २ सय ५० कित्तासम्म आवेदन दिन पाउने व्यवस्था रहेको छ । आइपीओमा २८ गतेसम्म आवेदन दिन सकिने छ । लगानीकर्ताले सि आस्वा सदस्य रहेका बैंक तथा वित्तिय संस्था र मेरो सेयरबाट आवेदन दिने सकिने छ ।
२०७८ असार २५ गते प्रकाशित
प्रकाशित समय : ११:४३ बजे
