काठमाडौँ । नेकपाको स्थायी समितिको बैठक प्रधानमन्त्री निवास बालुवाटारमा बस्ने भएको छ ।
समितिको बैठक निर्वाचनका लागि राष्ट्रिय सहमतिको सरकार बनाउन पहल गर्नेदेखि जसपाको महन्थ र महतो पक्षसँगको सत्ता साझेदारी, बजेट कार्यान्वयन र कोभिड रोकथामलगायतका विषयमा छलफल गर्न ११ बजे देखि बस्न लागेको हो ।
बैठकमा राष्ट्रिय सहमतिको सरकार बनाउने विषयलाई पार्टी बैठकको प्रमुख एजेन्डा रहेको छ । त्यस्तै जसपाको महन्थ र महतो पक्ष एक दुई दिनभित्रै सरकारमा सहभागी हुने तयारीमा छन् । सरकार पक्षका उम्मेदवार नै हारेपछि लुम्बिनी प्रदेशको निर्वाचनका बारेमा पनि बैठकमा समीक्षा गरिँदै छ ।

बैठकमा स्पष्टीकरण सोधिएका घनश्याम भुसाल, सुरेन्द्र पाण्डे, विरोध खतिवडा, जीवनराम श्रेष्ठ, सोमप्रसाद पाण्डे, कृष्णलाल महर्जन, झपट रावल, भवानी प्रसाद खापुङ, यज्ञ सुनुवार, मेटमणि चौधरी, दीपकप्रकाश भट्ट र नारायण खतिवडा रहेका छन्।यसअघि एमाले संस्थापन पक्षले वरिष्ठ नेता माधव नेपाल, झलनाथ खनाल, उपाध्यक्ष भीम रावललगायत १२ जनालाई के कारबाही गर्ने भन्ने बारेमा पनि छलफल हुनेछ। उनीहरूलाई साधारण सदस्य समेत नरहने गरी कारबाही गरिसकेको छ ।

२०७८ जेठ १८ गते प्रकाशित

कर्पाेरेट बजार

प्रकाशित समय : ०५:१४ बजे