आज पनि संक्रमित भन्दा, संक्रमणमुक्त हुनेको संख्या कायमै, निको हुने ६ २०५, थप ४३६९ संक्रमित
वि.सं.२०७८ जेठ १६ आइतवार
काठमाडौँ । केही दिन यता नयाँ कोरोना संक्रमित भन्दा संक्रमण निको हुनेको संख्या बढी भएको छ । स्वास्थ्य तथा जनसंख्या मन्त्रालयका सहप्रवक्ता समिरकुमार अधिकारीले पछिल्लो २४ घण्टामा ६ हजार २०५ जना कोरोनामुक्त भएको बताएका छन् । यस्तै यो अवधिमा ४ हजार ३ सय ६९ जनामा कोरोना संक्रमण देखिएको छ।
समिक्षा अवधिमा १०९ जनाको कोरोनाबाट मृत्यु भएको छ। यीसहित हालसम्म कोरोनाबाट ७ हजार २७२ जनाले ज्यान गुमाएका छन्।
पछिल्लो २४ घण्टामा १० हजार ९८६ जनाको पिसिआर परीक्षण गरिएको हो। सो परीक्षणका क्रममा ३७०२ जनामा पोजेटिभ देखिएको हो।
त्यस्तै १ हजार ७८४ जनाको एन्टिजेन परीक्षण गर्दा ६६७ जनामा पोजेटिभ देखिएको हो।
२०७८ जेठ १६ गते प्रकाशित
प्रकाशित समय : ११:१८ बजे
