काठमाडौँ । अष्ट्रेलियाले नेपाललाई कोभिड–१९ महामारी बिरुद्द लड्न थप सत्तरी लाख अष्ट्रेलियाली डलर (करिब नेरु ६३ करोड ५० लाख) सहयोग प्रदान गर्ने जनाएको छ । यो रकम दक्षिण एसियाको उत्थानशीलता सबलिकरण गर्न बंगलादेश, श्रीलंका र नेपाललाई अष्ट्रेलिया सरकारले प्रदान गर्ने १ करोड ७५ लाख अष्ट्रेलियाली डलर मध्येको एक अंश हो।

‘अष्ट्रेलियाको सहयोगले नेपालको कोभिड–१९ महामारी बिरुद्द लड्ने क्षमतामा थप टेवा पुग्ने छ र यो प्रादेशीक अस्पतालहरुमा आवश्यक स्वास्थ्य सामाग्रीहरु र स्वास्थ्यकर्मीहरु लाई आवश्यक पर्ने व्यक्तिगत सुरक्षा सामाग्रीहरु खरिद गर्न उपयोग गरिनेछ।’ विज्ञप्तिमा छ ।

यो रकम नेपालका बिभिन्न क्षेत्रहरुमा समुदाय स्तरमा हाल सकृय बिश्वसनिय साझेदार संस्थाहरुलाई अमेरीकी, जापानी र बेलायती लगायतका दातृ निकायहरु र संयुक्त राष्ट्र संघिय निकायहरुले गरिरहेका कामहरु संगको समन्वयमा प्रदान गरिने विज्ञिप्तिमा उल्लेख छ।

सहयोगको घोषणा गर्दै अष्ट्रेलियाली राजदुत फेलिसीटी वोल्कले अष्ट्रेलिया नेपालमा अति प्रभावित समुदायमा सहयोग पुर्याउने काम गरिरहेको छ बताए ।
“अष्ट्रेलिया र नेपालको लामो समयदेखि मित्रता रहेको र बिपद्का समयमा एक आपसमा सहयोग गर्ने ईतिहास रहेको छ । कोभिड(१९ ले नेपाल र यस क्षेत्रमा पारेको विनाशकारी प्रभावबाट अष्ट्रेलिया चिन्तित भएको छ । यो सहयोगका माध्यमबाट हामी नेपाल सरकारको स्वास्थ्य आवश्यकाताहरु पुरा गर्न सहकार्य गर्ने, र क्षेत्रिय अस्पतालहरु र जोखीमपूर्ण समुदायहरुलाई सहयोग गर्न कृयाशील रहनेछौं”। “अष्ट्रेलियाली सरकार र जनताले नेपालीहरुलाई आफ्नो मन र मष्तिष्कमा सम्झिरहेका छन्” ।

२०७८ जेठ ७ गते प्रकाशित