एन्ड्रिया बनिन् मिस युनिभर्स
वि.सं.२०७८ जेठ ३ सोमवार
मेक्सिकोकी एन्ड्रिया मेजा ‘मिस युनिभर्स २०२०’ बनेकी छिन् । चिहुवाहुवा शहरमा १३ अगस्ट सन् १९९४ मा हाल २६ वर्षकी एन्ड्रियालाई अमेरिकाको फ्लोरिडामा आयोजना भएको प्रतियोगितामा पूर्व मिस युनिभर्स जोजिबिनी टुँन्जीले ताज लगाइदिएकी छिन् । मेजाले उपाधिका लागि ७३ देशका सुन्दरीलाई पछि पारेकी हुन् ।
एन्ड्रियाले आफ्नो जीतसहित इतिहास रचेकी छिन् । उनी मिस युनिभर्सको ताज जित्न सफल तेस्रो मक्सिकन महिला बनेकी छिन् । ब्राजिलकी जुलिया गामा फर्स्ट रनरअप भएकी छिन् भने पेरुकी ज्यानिक मासेटा सेकेन्ड रनरअप बन्न सफल भएकी छिन् । मिस युनिभर्सको यो प्रतियोगितामा अन्सिका शर्माले पनि नेपालको प्रतिनिधित्व गरेकी थिइन् । कडा मेहनतकाबीच पनि अन्सिका उत्कृष्ट २१ मा आफ्नो स्थान बनाउन भने सकिनन् ।
२०७८ जेठ ३ गते प्रकाशित
प्रकाशित समय : ०७:१३ बजे
