कोरोना परीक्षण गर्न प्रधानमन्त्रीको स्वाब संकलन
वि.सं.२०७८ वैशाख २४ शुक्रवार
काठमाडौं । प्रधानमन्त्री केपी ओलीको कोभिड-१९ संक्रमण परीक्षणका लागि स्वाब संकलन गरिएको छ। प्रधानमन्त्री ओलीसहित उनका स्वकीय र निजी सचिवालय, सुरक्षा निकाय र चालकसहित १०० जनाभन्दा बढीको स्वाब संकलन गरिएको हो ।
यसअघि प्रतिनिधिसभाका सांसदहरुको बुधबार कोरोना परीक्षणका लागि स्वाबको नमूना संकलन गरिएको थियो । परीक्षण गराएकामध्ये प्रतिनिधिसभाका चारजना सांसद र तीनजना कर्मचारीमा कोरोना पुष्टि भएको संसद सचिवालयले जनाएको छ। अन्यको आउन बाँकी छ।
बिहीबारदेखि सुरु हुने संसद अधिवेशनमा सहभागी हुन प्रत्येक सांसदले कोरोना परीक्षण गराएका प्रधानमन्त्रीका प्रेस सल्लाहकार सूर्य थापाले जानकारी दिए। प्रधानमन्त्री ओलीले यही वैशाख २७ गते प्रतिनिधिसभामा विश्वासको मत लिदैछन्।
प्रकाशित समय : ०९:०० बजे
