काठमाडौं । नेपाल स्टक एक्सचेन्ज लिमिटेड (नेप्से) ले अधिकृतदेखि प्रबन्धकसम्म रोजगारी खुलाएको छ। शुक्रबार एक सूचना निकालेर नेप्सेले खुलातर्फ एक जना प्रबन्धक मागेको छ। साथै सहायक प्रबन्धक एक जना महिला माग गरेको छ।

खुलातर्फ एकेक जना वरिष्ठ अधिकृत र अधिकृत माग भएको छ। मधेशी र अपांगतर्फ एक/एक जना अधिकृत माग भएको सूचना आएको छ।

इच्छुकले नेपाल स्टक एक्सचेन्ज पदपूर्ति समितिको सचिवालय भद्रकालीमा दरखास्त दिन सक्नेछन्।

आठौंदेखि दसौं तहका लागि दुई हजार पाँच सय दस्तुर लाग्नेछ। सातौं तहका लागि दुई हजार र छैटौं तहका लागि एक हजार पाँच सय दस्तुर लाग्नेछ।