काठमाडौँ । साताको पहिलो कारोबार दिन आज नेपाल धितोपत्र बजारमा मापक नेपाल स्टक एक्सचेञ्ज (नेप्से) मा सामान्य अंकको करेक्सन भएको छ । यो दिन नेप्से १.३८ अंकले घटेको छ भने चार अर्ब बराबरको कारोबार भएको हो ।

यो दिन कारोबारमा आएका २३० कम्पनी, बोण्ड तथा ऋणपत्रको ७४ लाख ३४ हजार पाँच सय ३७ कित्ता सेयर किनबेच हुँदा ४ अर्ब ९ करोड ६२ लाख १९ हजार बराबरको कारोबार भएको छ ।

सकरात्मक सर्किट लागेका तीन कम्पनीः
यो दिन बोटलर्स नेपाल तराई, मनास्लु लघुवित्त वित्तीय संस्था र तेह्रथुम पावर कम्पनीको सेयरमूल्यमा सकरात्मक सर्किट लागेको छ ।
यो दिन बोटलर्स कम्पनीको प्रतिसेयर मूल्य एक हजार पचहत्तर रुपैयाँले बढेको हो । सोही रुपैयाँले बढेसँगै कम्पनीको प्रतिकित्ता ११ हजार आठ सय पच्चीस रुपैयाँ कायम भएको छ ।
त्यस्तै मनास्लुको आज अन्तिम मूल्य समायोजन १ हजार २१ मा भएको छ भने तेह्रथुमको ४ हजार उनान्चालिस रुपैयाँ कायम भएको हो ।

२५ करोडको हाराहारीमा कारोबार भएका कम्पनी
यो दिन दुई कम्पनीको सेयर कारोबार पच्चिस करोड बराबरीको कारोबार भएको छ । यो दिन महालक्ष्मी विकास बैंकको ७८ करोड ३९ लाख बढीको कारोबार भएको हो भने आइसीएफसी फाइनान्स कम्पनीको २४ करोड २८ लाख बढीको कारोबार भएको हो ।

त्यसैगरी यो दिन १०३ कम्पनीको सेयर मूल्य बढेको छ, ७५ कम्पनीको सेयर मूल्य घटेको छ भने ८ कम्पनीको मूल्य स्थिर रहेको छ ।

यसैगरी हाईड्रोइलेक्ट्रिसिटि इन्भेष्टिमेन्ट तथा डेभलपमेन्ट कम्पनीको सेयर मूल्यमा नकरात्मक सर्किट लागेको छ । कम्पनीको सेयर मूल्यमा नकरात्मक सर्किट लाग्दा लगानीकर्ताले प्रतिकित्ता ३५ रुपैयाँ गुमाएका छन् ।