साताको दोस्रो कारोबार दिन सेयर बजारमा दोहोरो अंकको गिरावट
वि.सं.२०८३ साउन १९ मंगलवार
काठमाडौं । साताको दोस्रो कारोबार दिन सेयर बजारमा दोहोरो अंकले गिरावट आएको छ । आज नेपाल स्टक एक्सचेन्ज (नेप्से) परिसूचक २१.१५ अंकले घटेर २६६३.१८ को विन्दुमा पुगेको छ।
उक्त दिन खानीखोला हाइड्रोपावरको सेयर सर्वाधिक कारोबार भएको छ । आज कम्पनीको ४० करोड ६६ लाख ९३ हजार रुपैया बराबरको कारोबार भएको छ । कारोबार रकमको आधारमा दोस्रो स्थानमा रहेको सिद्धार्थ बैंकको १६ करोड ७७ लाख ७१ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन नेशनल हाइड्रोपावरको १६ करोड ५७ लाख रुपैंया, सेन्ट्रल फाइनान्सको १४ करोड ९१ लाख ५८ हजार रुपैयाँ, रिडी पावर कम्पनीको १३ करोड १७ लाख ९७ हजार रुपैयाँको कारोबार भएको हो ।
प्रकाशित समय : १८:२३ बजे
