नेपाल ल्युब आयलको ३५ प्रतिशत लाभांश सुरक्षित गर्ने आज अन्तिम दिन
वि.सं.२०७८ असोज ४ सोमवार
काठमाडौँ । नेपाल ल्युब आयल लिमिटेडद्धारा पारित लाभांस सुरक्षित गर्ने आज अन्तिम दिन रहेको छ । कम्पनीले लगानीकर्तालाई गत आर्थिक वर्षको मुनाफाबाट दिन लागेको ३५ प्रतिशत लाभांश आज (असोज ४ गते) सम्म कायम सेयरधनिले मात्रै पाउने छन् ।
लाभांश र वार्षिक साधारणसभा प्रयोजनका लागि कम्पनीले भोलि असोज ५ गतेदेखि असोज १८ गतेसम्म बुक क्लोज मिती तय गरिसकेको छ । तसर्थ आजसम्म कायम सेयरधनीहरुमात्र यो कम्पनी लाभांश पाउन र सभामा भाग लिन योग्य हुनेछन्।
कम्पनीले लाभांश अनुमोदन गर्न यही असोज १८ गते आफ्नो ३० औँ वार्षिक साधारणसभा डाकेको छ। सभा भर्चुअल माध्यमबाट कम्पनीको ललितपुरको झम्सिखेलीस्थित कार्यालयबाट बिहान ११ः३० बजेबाट सुरु हुनेछ।
सभाले गत आर्थिक वर्ष २०७७७८ का लागि प्रस्तावित ३५ प्रतिशत लाभांश अनुमोदन गर्नेछ। जसमा ३० प्रतिशत बोनस सेयर र ५ प्रतिशत नगद लाभांश रहेका छन्।
सोही सभाले गत आर्थिक वर्षको वार्षिक, लेखापरीक्षकलगायत महत्वपूर्ण प्रतिवेदनहरु पारित गर्नेछ।
२०७८ असोज ४ गते प्रकाशित
प्रकाशित समय : १०:४९ बजे
