सुनचाँदीको मूल्यमा वृद्धि, आज कतिमा हुँदै छ कारोबार?
वि.सं.२०७८ भदौ २८ सोमवार
काठमाडौँ । आज सोमबार सुनचाँदीको मूल्यमा सामान्य वृद्धि भएको छ । नेपाली बजारमा आज सुन प्रतितोला ३०० रुपैयाँ र चाँदी ५ रुपैयाँले बढेको हो ।
नेपाल सुनचाँदी व्यवसायी महासंघका अनुसार आइतबारको तुलनामा सोमबार सुन तोलाको ३०० रुपैयाँले बढेर प्रतितोला ९० हजार ६०० रुपैयाँ, तेजावी सुनको भाउ ९० हजार १०० रुपैयाँमा कारोबार भैरहेको छ ।
यसैगरी चाँदीको भाउ पनि ५ रुपैयाँल वृद्धि गरी तोलाको १ हजार २०० रुपैयाँ निर्धारण गरिएको छ ।
आइतबार छापावाला सुनको भाउ प्रतितोला ९० हजार ३०० रुपैयाँ, तेजावी सुनको भाउ ८९ हजार ८०० रुपैयाँ र चाँदी भाउ तोलाको १ हजार १९५ रुपैयाँमा कारोबार भएको थियो ।
२०७८ भदौ २८ गते प्रकाशित
प्रकाशित समय : ११:५४ बजे
