back

बोर्ड अध्यक्ष ढुंगाना निलम्बित

काठमाडौँ। सरकारले नेपाल धितोपत्र बोर्डका अध्यक्ष भिष्मराज ढुंगानालाई निलम्बन गरेको छ । सर्वाेत्तम सिमेन्टको भित्री कारोबारमा संलग्न रहँदा पनि आफूले कानूनविपरीत काम नगरेको जिकिर गरी राजीनामा नदिई पदमै बसिरहेको बेला सरकारले उनलाई निलम्बन गरेको हो । निलम्बनसँगै उनलाई बर्खास्त गर्ने गरी उच्चस्तरीय छानबिन समिति समेत समेत गठन भएको छ ।

बुधबार बसेको मन्त्रीपरिषद बैठकले अर्थमन्त्रालयको प्रस्तावमा बोर्डका अध्यक्ष ढुंगानालाई निलम्बन गर्दै उनको संलग्नतामा भएको गैरकानूनी कामको विषयमा छानबिन गर्न उच्चस्तरीय समिति गठन गरेको हो ।

उक्त समितिमा उच्च अदालतका पूर्व न्यायाधीश अनन्तराज डूम्रेको अध्यक्षतामा तीन सदस्य रहेका छन् ।

सरकारका प्रवक्ता ज्ञानेन्द्रबहादुुर कार्कीले समितिमा विज्ञ सदस्यको रुपमा नारायणप्रसाद पौडेल र नेपाल कानून आयोगका सहसचिव अर्जुनकुमार खड्का रहेको बताए ।

कानून, न्याय तथा संसदीय मामिलामन्त्री समेत रहेका सरकारका प्रवक्ता कार्कीले धितोपत्र बोर्ड सम्बन्धी ऐन २०६३ को दफा ७ को उपदफा ७ मा भएको व्यवस्था अनुसार छानबिन समिति गठन गरिएको जानकारी दिएका छन् । यो उपदफामा धितोपत्र बोर्डका अध्यक्षका कुनै पनि गतिविधिले बोर्ड र पूँजीबजारको अहित भएमा वा भएको ठानिएमा त्यसको छानबिन गर्न समिति गठन गर्न सक्ने र सो समितिले छानबिनमा दोषी देखिएको आधारप्रमाणसहित सिफारिस गरेमा अध्यक्षलाई पदबाट हटाउन सकिने व्यवस्था समेत रहेको छ ।

यसअघि अर्थमन्त्रालयले मन्त्रीस्तरीय निर्णयबाट एक छानबिन समिति गठन गरेको थियो । सो छानबिन समितिले सर्वोत्तम सिमेन्टको सेयर खरीद प्रकरणमा अध्यक्ष ढुंगाना दोषी देखिएका थिए । सो समितिले अर्थमन्त्रीलाई बुझाएको प्रतिवेदनमा ५१ वटा कम्पनीलाई जोखिमपूर्ण भन्दै सूची प्रकाशनमा समेत ढुंगाना विभिन्न शक्तिकेन्द्रको प्रभावमा परेको निश्कर्ष निकालिएको छ । प्रतिवेदनमा ढुंगाना गैरकानूनी काममा सक्रिय देखिएको निश्कर्ष आएपछि अर्थमन्त्री जनार्दन शर्माको प्रस्तावमा मन्त्रीपरिषदले उनलाई निलम्बनको निर्णय गरेको हो ।

धितोपत्र बोर्डका अध्यक्ष ढुंगाना पछिल्लो समय बुक बिल्डिंग विधिबाट आइपीओ निश्कासनको तयारीमा रहेको सर्वोत्तम सिमेन्टको सेयर ओटिसी बजारमार्फत आफ्नी छोरीको नाममा खरीद गरेपछि विवादमा तानिएका थिए ।

यही प्रकरणमा मुछिएका नेपाल स्टक एक्सचेञ्जका प्रमुख कार्यकारी अधिकृत चन्द्रसिंह साउद र बोर्डको संचालक सदस्यमा रहेका चन्द्र ढकालले राजिनामा दिईसकेका हुन् ।

२०७८ भदौ १७ गते प्रकाशित


इप्पानले स्थापना गर्यो, नीति अनुसन्धान र भवन निर्माण कोष

इप्पानले स्थापना गर्यो, नीति अनुसन्धान र भवन निर्माण कोष

वि.सं.२०८१ जेठ ४ शुक्रवार २३:१२

काठमाडौं । स्वतन्त्र ऊर्जा उत्पादकहरुको संस्था, नेपाल (इप्पान) ले नीति...

खर्च कम गर्नका साथै वातावरण बचाउन विद्युतीय सवारीसाधनको प्रयोग बढाउनु आवश्यकः मन्त्री बस्नेत

खर्च कम गर्नका साथै वातावरण बचाउन विद्युतीय सवारीसाधनको प्रयोग बढाउनु आवश्यकः मन्त्री बस्नेत

वि.सं.२०८१ जेठ ४ शुक्रवार २२:५३

काठमाडौं । ऊर्जा, जलस्रोत तथा सिंचाईमन्त्री शक्तिबहादुर बस्नेतले पछिल्लो समय...

सरकारले बजेटमार्फत् विकासमा निजी क्षेत्रलाई सँगसँगै लैजाने

सरकारले बजेटमार्फत् विकासमा निजी क्षेत्रलाई सँगसँगै लैजाने

वि.सं.२०८१ जेठ ३ बिहीवार १८:२४

काठमाडौं । सरकारले विकास र समृद्धिमा निजी क्षेत्रलाई सँगसँगै लैजानेगरी...

जगदुल्ला जलविद्युत् आयोजनामा १६ अर्ब लगानी जुट्यो (शेयर संरचना सहित)

जगदुल्ला जलविद्युत् आयोजनामा १६ अर्ब लगानी जुट्यो (शेयर संरचना सहित)

वि.सं.२०८१ जेठ ३ बिहीवार ०९:४१

काठमाडौँ ।  उज्यालो कर्णाली बनाउने लक्ष्यका साथ अगाडि बढाइएको जगदुल्ला...

अरुण भ्याली हाइड्रोपावरको लिलामी सेयर बाँडफाँड

अरुण भ्याली हाइड्रोपावरको लिलामी सेयर बाँडफाँड

वि.सं.२०८१ जेठ २ बुधवार १०:४७

काठमाडौं । अरुण भ्याली हाइड्रोपावरको लिलामीमा बिक्री गरेको सेयर बाँडफाँड...

फोहोरबाट रोजगारी सिर्जना गर्न कोरियाद्वारा नेपाललाई ९८ लाख अमेरिकी डलर सहयोग

फोहोरबाट रोजगारी सिर्जना गर्न कोरियाद्वारा नेपाललाई ९८ लाख अमेरिकी डलर सहयोग

वि.सं.२०८१ जेठ २ बुधवार १०:१९

काठमाडौं । दक्षिण कोरियाले फोहोर मैला व्यवस्थापनबाट हरित रोजगारी सिर्जना...