मैलुङ खोलाको आइपीओको बाँडफाँड भोली हुने
वि.सं.२०७८ साउन २५ सोमवार
काठमाडौं। मैलुङ खोलाको आइपीओको बाँडफाँड भोली हुने भएको छ । आईपीओ विक्रि प्रवन्धक सिद्धार्थ क्यापिटलले प्रि–अलोटमेन्ट सम्पन्न भईसकेको जनाउँदै भोलि बिहान ९ बजे बाँडफाँड गर्ने निर्णय भएको जनाएको हो ।
कम्पनीले ७ करोड ३६ लाख २८ हजार ६ सय रूपैयाँ बराबरको ७ लाख ३६ हजार २ सय ८६ कित्ता आईपीओ निष्कासन गरेको थियो ।
कम्पनीले निष्काशन गरेको कुल शेयरमध्ये २ प्रतिशत अर्थात १४ हजार ७२६ कित्ता सेयर कम्पनीका कर्मचारीहरुका लागि र ५ प्रतिशत अर्थात ३६ हजार ८१४ कित्ता सेयर सामूहिक लगानी कोषलाई छुट्याएर भने बाँकी ६ लाख ८४ हजार ७४६ कित्ताका लागि सर्वसाधारणलाई छुट्टाईएको थियो । कम्पनीको आईपिओमा लगानीकर्ताले न्यूनतम १० कित्ता देखि अधिकतम १ लाख कित्ता सम्मका आवेदन दिन मिल्ने व्यावस्था गरिएको थियो ।
२०७८ साउन २५ गते प्रकाशित
प्रकाशित समय : ०९:०० बजे
