back

नेपाल बंगलादेश बैंकको नाफामा उछाल, ८४.१७ प्रतिशतले बढ्यो

काठमाडौँ । नेपाल बंगलादेश बैंकले गत आर्थिक वर्षको चौथो त्रैमासको वित्तीय विवरण सार्वजनीक गरेको छ । सार्वजनिक वित्तीय विवरण अनुसार खूद ब्याज आम्दानी घटे पनि खूद नाफा उत्साहजनक देखिएको छ । समिक्षा अवधिमा बैंकले खुद नाफा २ अर्ब २९ करोड कायम भएको हो । यो भनेको अघिल्लो वर्षको सोही अवधिको तुलनामा ८४.१७ प्रतिशतले बढी हो ।

बैंकले वितरणयोग्य मुनाफामा पनि छलाङ मारेको छ । अघिल्लो वर्षको समिक्षा अवधिमा ४४ करोड ९१ लाख रुपैयाँमा सीमित वितरणयोग्य मुनाफा रहेकोमा गत आवको सोही अवधिमा २२८.४९ प्रतिशतले बढेर १ अर्ब ४७ करोड भएको हो । बैंकको चुक्तापूँजी ९ अर्ब रुपैयाँ रहेको छ । यसरी हेर्ने हो भने बैंकले यो वर्ष १६ प्रतिशतको हाराहारीमा लाभांश वितरण गर्नसक्छ ।

समीक्षा अवधिमा बैंकको खूद ब्याज आम्दानी घटे पनि इम्पेयरमेन्ट चार्ज रिभर्स हुँदा खूद नाफा ह्वात्तै बढेको हो । यो अवधिसम्म २७ करोड १५ लाख रुपैयाँ इम्पेयरमेन्ट चार्ज रिभर्स भएको देखिएको छ ।

बैंकको खूद ब्याज आम्दानी २ अर्ब ८४ करोडबाट घटेर २ अर्ब ६३ करोडमा सीमित बनेको छ । अन्य संचालन आम्दानीमा भने ४६० प्रतिशतको बढोत्तरी भएको छ । अघिल्लो वर्ष ५ करोडमा सीमित यस्तो आम्दानी बढेर समीक्षा अवधिसम्म २८ करोड ४४ लाखको उचाईमा पुगेको हो ।

अघिल्लो वर्ष १ अर्ब ८३ करोड मात्र रहेको संचालन आम्दानी बढेर यो वर्ष ३ अर्ब २० करोड पुगेको छ भने रिजर्बको आकार करिब २७ प्रतिशतले बढेर ३ अर्ब ७५ करोडबाट ४ अर्ब ७६ करोड पुगेको छ ।

समीक्षा अवधिमा बैंकले ८७ अर्ब १२ करोड निक्षेप संकलन गरी ६८ अर्ब ४८ करोड बढी कर्जा परिचालन गरेको छ । गत वर्षको तुलनामा निक्षेप र कर्जातर्फ क्रमशः ३१.१५ प्रतिशत तथा १५.८६ प्रतिशतको प्रगति देखिएको छ ।

बैंकले अघिल्लो वर्ष यही अवधिसम्म २.८९ प्रतिशत रहेको खराब कर्जाको अनुपातको घटाएर १.५५ प्रतिशतमा सीमित गराउने सफलता पाएको छ भने क्यापिटल एडेक्वेसी रेसियो १३.९४ प्रतिशत रहेको छ ।

नाफामा बढोत्तरीसँगै बैंकको प्रतिसेयर आम्दानी(पीएस) ७३.७६ प्रतिशतले बढेर २५.४६ रुपैयाँको उचाईमा पुगेको छ।

असार मसान्तसम्मको प्रतिसेयर नेटवर्थ १७०.६५ रुपैयाँ, पीई रेसियो १७.१३ गुणा, बेस रेट ७.४१ प्रतिशत र कस्ट अफ फण्ड ५.४९ प्रतिशत रहेको छ ।
२०७८ साउन २४ गते प्रकाशित


विदेशीलाई नेपालमा विवाह गर्न प्रोत्साहन गरिने

विदेशीलाई नेपालमा विवाह गर्न प्रोत्साहन गरिने

वि.सं.२०८१ जेठ १५ मंगलवार २१:५६

काठमाण्डौं । सरकारले विदेशी पर्यटकलाई नेपालमा विवाह गर्न प्रोत्साहन गर्ने...

सरकारले गाँजाको व्यवसायिक खेतीलाई प्रवद्र्धन गर्ने

सरकारले गाँजाको व्यवसायिक खेतीलाई प्रवद्र्धन गर्ने

वि.सं.२०८१ जेठ १५ मंगलवार २१:५२

काठमाण्डौं । सरकारले गाँजाको व्यवसायिक खेतीलाई प्रवद्र्धन गर्ने भएको छ...

आगामी वर्षको बजेटः पाँच उद्देश्य, पाँच प्राथमिकता र पाँच रणनीति

आगामी वर्षको बजेटः पाँच उद्देश्य, पाँच प्राथमिकता र पाँच रणनीति

वि.सं.२०८१ जेठ १५ मंगलवार २१:४०

काठमाण्डौँ ।  सरकारले अर्थतन्त्रको संरचनागत सुधारका लागि उच्चस्तरीय आर्थिक सुधार...

भरतपुर, पोखरा र बुटवललाई जोडेर गण्डकी आर्थिक त्रिभूज योजना

भरतपुर, पोखरा र बुटवललाई जोडेर गण्डकी आर्थिक त्रिभूज योजना

वि.सं.२०८१ जेठ १५ मंगलवार २१:३७

काठमाण्डौँ ।  सरकारले भरतपुर, पोखरा र बुटवललाई जोडेर गण्डकी आर्थिक...

पूर्वपश्चिम राजमार्गमा गलैंचा र जुम्लामा मार्सी धान करिडोर

पूर्वपश्चिम राजमार्गमा गलैंचा र जुम्लामा मार्सी धान करिडोर

वि.सं.२०८१ जेठ १५ मंगलवार २१:३२

काठमाण्डौँ ।  सरकारले निजगढदेखि ढल्केवरसम्मको पूर्वपश्चिम राजमार्ग आसापासका क्षेत्रलाई नेपाली...

ऊर्जामा ठूला आयोजनामा जोड, आगामी वर्ष ९ सय मेगावाट थपिने

ऊर्जामा ठूला आयोजनामा जोड, आगामी वर्ष ९ सय मेगावाट थपिने

वि.सं.२०८१ जेठ १५ मंगलवार २१:२९

काठमाडौँ ।  सरकारले आगामी आर्थिक वर्ष राष्ट्रिय प्रणालीमा चार हजार...