कक्षा १२ को परीक्षा स्थगित गर्ने निर्णय
वि.सं.२०७८ साउन २३ शनिवार
काठमाडौँ । कक्षा १२ को निर्धारित परीक्षा स्थगित गर्ने निर्णय भएको छ । राष्ट्रिय परीक्षा बोर्डले स्वास्थ्य मन्त्रालय, शिक्षा मन्त्रालय र कोभिड व्यावस्थापन केन्द्रको छलफलबाट परिक्षा स्थगित गर्ने निर्णय भएको हो ।
शिक्षा विज्ञान तथा प्रविधि मन्त्रालयका सचिव रामप्रसाद थपलियाले परिक्षा स्थगित भएको जनाउँदै अब परीक्षा हुनुभन्दा १५ दिनअगाडि सूचना निकारले परिक्षा सञ्चालन गरिने बताए ।
यसअघि शुक्रवार स्वास्थ्य तथा जनसङ्ख्या राज्यमन्त्री उमेश श्रेष्ठले बढ्दो कोरोनाभाइरस सङ्क्रमणबीच परीक्षा स्थगनका लागि शिक्षा मन्त्रालय तथा कोभिड१९ सङ्कट व्यवस्थापन केन्द्रलाई सिफारिस गरेको जनाएका थिए।
राष्ट्रिय परीक्षा बोर्डले यही साउन ३१ गतेदेखि परीक्षा हुने गरी तालिका सार्वजनिक गरेको थियो।
२०७८ साउन २३ गते प्रकाशित
प्रकाशित समय : ०९:२८ बजे
