काठमाडौँ । सिद्धार्थ बैंकको कामु सीईओमा सुन्दरप्रसाद कँडेल नियुक्त भएका छन् । बैंकका निर्वतमान सिईओको जिम्मेवारी यहि २५ गते सकिने भएसँगै कामू सिईओमा कँडेल नियुक्त भएका हुन् ।

बैंक सञ्चालक समितिको साउन १५ गते बसेको बैठकले कँडेललाई बैंकको कामु सिईओको जिम्मेवारी दिने निर्णय गरेको हो । कँडेल नायब प्रमुख कार्यकारी अधिकृतका रुपमा कार्यरत छन् ।

बैंकका प्रमुख कार्यकारी अधिकृत शम्भुनाथ गौतमको कार्यकाल यही साउन २५ गते सकिँदै छ । कँडेलले कामु प्रमुख कार्यकारी अधिकृतको जिम्मेवारी साउन २६ गतेबाट सम्हाल्ने छन् ।

२०७८ साउन १७ गते प्रकाशित