काठमाडौँ । नेपाल राष्ट्र बैंकका अवकाश प्राप्त कर्मचारीको पेन्सनबापतको रकम बैंकले नै खातामा पठाईदिने भएको छ ।

राष्ट्र बैंकले एक सूचना जारी गर्दै राष्ट्र बैंकका अवकाशप्राप्त कर्मचारी वा हकवालाहरुलाई निवृत्तिभरणबापतको रकम आईपीएसमार्फत सोझै निजको बैंक खातामा पठाउने व्यवस्था गरेको जानकारी गराएको हो । यसका लागि निवृत्त कर्मचारी वा हकवालाहरुले पेन्सन तथा अन्य रकम विद्युतीय माध्यमबाट भुक्तानी लिनका लागि फराम भर्नुपर्नेछ।

उक्त फाराम भरी अनिवार्य रुपमा पेन्सनपट्टाको प्रतिलिपि र सम्भव भएसम्म निजको बैंक खाताको चेकको प्रतिलिपि तथा नागरिकता प्रमाणपत्रको प्रतिलिपि संलग्न गर्नुपर्नेछ।

यी काजपत्रसहितको विवरण निवृत्त कर्मचारीले राष्ट्र बैंकको बैंकिङ विभाग वा प्रदेशस्थित कार्यालय वा ई–मेल ठेगाना [email protected] वा [email protected] मा बुझाउन पनि राष्ट्र बैंकले आग्रह गरेको छ।
२०७८ साउन १६ गते प्रकाशित