काठमाडौँ । सानिमा बैंकले काठमाण्डौ इन्स्टिच्युट अफ चाइल्ड हेल्थलाई बाल अस्पताल निर्माण गर्न १ करोड रुपैयाँ सहयोग गरेको छ । बैंकले आफ्नो संस्थागत सामाजिक उत्तरदायित्वअन्तर्गत उक्त रकम बराबरको आर्थिक सहयोग प्रदान गर्ने समझदारी गरेको हो ।

बालबालिकालाई अत्यावश्यक स्वास्थ्य सेवा प्रदान गर्नका लागि काठमाण्डौ इन्स्टिच्युट अफ चाइल्ड हेल्थले राजधानी काठमाण्डौलगायत सबै प्रदेशमा सुविधायुक्त अस्पताल निर्माण गर्ने लक्ष्य राखेको छ। सो समझदारीपत्रमा काठमाण्डौ इन्स्टिच्युट अफ चाइल्ड हेल्थका तर्फबाट डा. भगवान कोइराला र सानिमा बैंकका तर्पmबाट नायब प्रमुख कार्यकारी अधिकृत तेजबहादुर चन्दले बैंकमा आयोजित एक कार्यक्रमका बीच हस्ताक्षर गरेका हन् ।

काठमाण्डौ इन्स्टिच्युट अफ चाइल्ड हेल्थका संस्थापक अध्यक्ष डा. भगवान कोइराला मुटुरोग विशेषज्ञ, प्राध्यापक तथा समाजसेवी छन्।
सानिमा बैंकको देशभर हालसम्म ८६ वटा शाखा सञ्जाल, १८ विस्तारित काउन्टर तथा ९६ वटा एटीएम रहेका छन्।
२०७८ साउन १६ गते प्रकाशित

कर्पाेरेट बजार

प्रकाशित समय : ०६:१२ बजे