एनएलजी इन्स्योरेन्सको १० प्रतिशत लाभांश सुरक्षित गर्ने आज अन्तिम दिन
वि.सं.२०७८ साउन १३ बुधवार
काठमाडौँ । एनएलजी इन्स्योरेन्स कम्पनी लिमिटेडको लाभांश सुरक्षित गर्ने आज अन्तिम दिन रहेको छ ।
कम्पनीले वार्षिक साधारणसभा प्रयोजनका लागि भोलीदेखि बुक क्लोज गर्ने भएको हो । तअर्थ, आजसम्ममा कायम कम्पनीका सेयरधनीहरुले कम्पनीको लाभांश प्राप्त गर्न सक्नेछन् ।
कम्पनीले गत आर्थिक वर्षका लागि चुक्तापुँजीको कुल १०.५२६३ प्रतिशत लाभांश प्रस्ताव गरेको छ।
जसमा १० प्रतिशतले हुन आउने १० करोड ९६ लाख ३७ हजार ५५० रुपैयाँबराबरको बोनस सेयर र ०.५२६३ प्रतिशतले हुन आउने ५७ लाख ७० हजार ३९७ रुपैयाँबराबरको नगद लाभांश (बोनस सेयरमा लाग्ने कर प्रयोजनार्थ) रहेका छन्।
प्रस्तावित लाभांश कम्पनीको यही साउन २१ गते हुने १५ औँ वार्षिक साधारणसभाबाट अनुमोदन भएपछि कार्यान्वयनमा आउनेछ।
बोनस सेयर जारीपछि कम्पनीको चुक्तापुँजी १ अर्ब २० करोड ५७ लाख रुपैयाँ बढी हुनेछ।
२०७८ साउन १३ गते प्रकाशित
प्रकाशित समय : ०५:०९ बजे
