टोकला मसला चिया अब नयाँ प्याकमा आउने
वि.सं.२०७८ साउन ११ सोमवार
काठमाडौं । नेपाल चिया विकास निगम लिमिटेडले हालै बजारमा नयाँ आकर्षक प्याकमा टोकला मसला चियाको बिक्री वितरण सुरु गरेको छ ।
मुलुककै सर्वाधिक लोकप्रिय एवं गुणस्तरीय चिया उत्पादक कम्पनी निगमले आफ्नै बगानबाट टिपिएको ताजा एवं उत्कृष्ट चिया र असली मसलाहरुको मिश्रण गरी तयार पारेको मसला चिया सार्वजनीक गरेको हो । कम्पनीले उच्च गुणस्तरीय र स्वास्थ्यवर्धक रहेको जनाएको छ ।
साथै नयाँ प्याकको चियामा अदुवा, सुकुमेल, ल्वाङ, दालचिनी र मरिच जस्ता रोग प्रतिरोधी क्षमता बढाउने तथा मानव स्वास्थ्यका लागि अत्यन्तै हितकारी मसलाहरुको समिश्रण रहेको कम्पनीको भनाइ छ ।
२०७८ साउन ११ गते प्रकाशित
प्रकाशित समय : ११:३० बजे
