काठमाडौँ । गुराँस लाइफ इन्स्योरेन्स कम्पनी लिमिटेडले कम्पनीको सेयर स्वामित्व परिमार्जन गरेको छ । कम्पनीले पौने २० लाख कित्ता बढी संस्थापक सेयर सर्वसाधारण सेयरमा रुपान्तरण गर्दै सेयर स्वामित्व परिमार्जन गरेको हो।

कम्पनीले सेयर स्वामित्व परिमार्जन गर्दा १९ लाख ७५ हजार ५८४.६ कित्ता संस्थापक सेयर साधारण सेयरमा रुपान्तरण गरेको छ।

स्वामित्व परिमार्जनसँगै अब कम्पनीमा संस्थापक समूहको ५१ प्रतिशत र सर्वसाधारण समूहको ४९ प्रतिशत सेयर स्वामित्व कायम रहेको छ ।
कम्पनीको छैटौँ वार्षिक साधारणसभाबाट संस्थापक समूहको ५१ प्रतिशत र सर्वसाधारण समूहको ४९ प्रतिशत सेयर स्वामित्व कायम गर्ने विशेष प्रस्ताव पारित गरेको थियो।
यसअघि कम्पनीमा संस्थापक समूहको ७० प्रतिशत र सर्वसाधारण समूहको ३० प्रतिशत सेयर स्वामित्व रहेको थियो।

२०७८ साउन ४ गते प्रकाशित