बैंकमा क्लोजीङको प्रभावः एक हप्तामा कर्जा माग रकमको करिब दुई गुणा बढी निक्षेप संकलन
वि.सं.२०७८ साउन ४ सोमवार
काठमाडौँ । पछिल्लो एक साता बैंकमा ठूलो परिमाणमा पैसा थुप्रिएको छ । पछिल्लो एक हप्तामा बैंकमा ४२ अर्ब कर्जाको माग हुँदा त्यसको करिब दुई गुणा बढी निक्षेप संकलन भएको छ । नेपाल बैंकसं संघका अनुसार समिक्षा अवधिमा जम्मा ८२ अर्ब मात्रै कर्जा माग भएको छ ।
असार २५ गतेसम्म बैंकले ४१ खर्ब १९ अर्ब रुपैयाँ निक्षेप संकलन गरेकोमा एक सातामा नै ८२ अर्ब निक्षेप थपिएर असार ३१ गतेसम्म आईपुग्दा बैंकमा ४२ खर्ब १ अर्ब निक्षेप थुप्रिएको संघले जनाएको हो ।
समिक्षा अवधिमा बैंकबाट ४२ अर्ब मात्रै कर्जा प्रवाह भएको देखिन्छ । संघका अनुसार असार २५ गतेसम्म ३६ खर्ब ७९ अर्ब रुपैयाँ कर्जाको माग भएको थियो । एक साताको अवधिमा कर्जाको माग ४२ अर्बले बढ्दा ३७ खर्ब २१ अर्ब रुपैयाँ पुगेको छ ।
असार मसान्त आर्थिक वर्ष सकिने बेला भएका कारण तथा कर तिर्नुपर्ने कारण पनि बैंकमा निक्षेप थुप्रिएको र कर्जाको माग कम भएको संघले जनाएको हो ।
२०७८ साउन ४ गते प्रकाशित
प्रकाशित समय : ११:०१ बजे
