काठमाडौँ । एन आई सी एशिया क्यापिटल लिमिटेडको संचालक समितिको अध्यक्षमा कपिल ढकाल नियुक्त भएका छन् । समितिको हिजो बसेको ९२ औं बैठकले समितिको अध्यक्षमा एनआईसी एशिया बैंकका सहायक प्रमुखकार्यकारी अधिकृत ढकाललाई नियुक्ति गरेको हो ।

उनीसँग Deloitte India(Big 4), ICICI Bank, India तथा हाम्रो विकास बैंकमा प्रमुखकार्यकारी अधिकृतको रुपमाकार्य गरेको अनुभव रहेको छ । साथै उनी प्रोफेशनल चाटरेड एकाउन्टेन्ट पनि हुन् । उनले एनआई सी एशिया बैंकको हालको Transformational Journey को उद्गमविन्दु मानिएको Business Process Reengineering विभागकोप्रमुखको भुमिकाबाट उक्त बैंकमा प्रस्थान गरी बैंककोउच्चव्यवस्थापनतहमा रहि१२ वर्ष भन्दा बढीको बैंकिङ्गअनुभववहाँको रहेकोे छ ।

हालएनआई सी एशिया लघुवित्त वित्तीय संस्थामा समेत अध्यक्ष रहेका उनले हासिल गरेको लामो कार्यअनुभव तथा उच्च व्यवस्थापकिय क्षमताले आगामी दिनमा क्यापिटलको समग्र व्यवसाय विस्तार र क्यापिटलबाट प्रदान गरिने सेवालाई उत्कृष्ट बनाई राख्ने क्यापिटलले विस्वास लिएको छ ।

छिटो, छरितो तथा ग्राहकमुखी सेवा दिंदै क्रमिक रुपमा लगानीकर्तामाझ लोकप्रिय बन्दै गइरहेको एन आई सी एशिया क्यापिटल लिमिटेडले हाल म्युचुअल फण्ड, शेयर रजिष्ट्रार, निष्काशन तथा बिक्री प्रबन्ध, शेयर प्रत्याभूति, लगानी व्यवस्थापन, निक्षेप सदस्य, संस्थागत परामर्श लगायतका मर्चेण्ट बैंकिङ्ग तथा इन्भेष्टमेण्ट बैंकिङ्ग सम्बन्धी सम्पूर्ण सेवाहरु प्रदान गर्दै आईरहेको छ ।

२०७८ साउत ३ गते प्रकाशित