काठमाडौँ । नेपाली कांग्रेसका सभापति शेरबहादुर देउवा नेतृत्वको सरकारमा हिजो मात्रै जर्नादन शर्मा अर्थमन्त्रीको पदमा नियुक्त भएका छन् । मन्त्री शर्मा माओवादी केन्द्रका नेता हुन् । उनले पदभार ग्रहण गरेसँगै आफु अर्थमन्त्रालयमा आउनुको पछाडि सहकार्य गर्ने, अर्थतन्त्रको अवस्थालाई बुझ्ने, आफ्नो इच्छा शक्ति र क्षमताअनुसार काम गर्ने, गरिबीको मारमा रहेका जनता, खटिरहेका श्रमिकलाई राहत दिने लगायतका कारण रहेको समेत प्रष्ट पारिसकेका छन् ।

यसका साथै उनले अर्थ मन्त्रालयले कोभिड खोप किन्न स्वास्थ्य तथा जनसंख्या मन्त्रालयलाई ५ अर्ब रुपैयाँ बजेट दिने सहमति समेत गरेका छन् । हिजो अर्थमन्त्रीको पदभार ग्रहणका क्रममा उनले कुल चार वटा फाइल तत्कालै सदर गरेका हुन् ।

उनले पहिला खोप खरिदका लागि स्वास्थ्य मन्त्रालयलाई बजेट सहमतिको फाइला सदर गरेका हुन् । मन्त्रालयका प्रवक्ता महेश आचार्यले यसबाहेक अर्थ मन्त्रालयले यसअघि खर्चको सहमति दिएका विभिन्न संघीय, प्रादेशिक, जिल्ला र स्थानीय तह स्तरका स्वास्थ्य संस्थालाई समेत अर्थ मन्त्रालयले बजेट स्वीकृत गरेको जनाएका हुन् ।

त्यस्तै स्वास्थ्यबाट आईसीयू, एचडीयू तथा भेन्टिलेटर खरीद भई भुक्तानीका लागि माग आएको ९६ करोड १२ लाख रुपैयाँ उपलब्ध गराउने सम्बन्धी फाइल समेत सदर भएको छ । प्रादेशिक र स्थानीय अस्पतालाई यसअघि सहमति दिए अनुसार ५२ करोड ४६ लाख रुपैयाँ उपलब्ध गराउन समेत अर्थले फाइल सदर गरेको हो ।

कोभिड सम्बन्धी विभिन्न दायित्व, अस्पतालको सोधभर्ना र जोखिमभत्ता समेतका लागि संघीय स्तरका लागि ५६ करोड ४१ लाख र प्रदेश र स्थानीय तहमा जाने गरी ३७ करोड २४ लाख रुपैयाँ निकासाको फाइल समेत अर्थमन्त्री शर्माले सदर गरेका छन् ।
यसरी शर्मा आफु पदभार ग्रहण गरेसँगै पदिय दायित्वलाई अबलम्बन गर्न सुरु गरेका छन् ।

को हुन् जर्नादन शर्मा ?
जनार्दन शर्मा रुकुमका छोरा हुन् । जर्नादन रुकुममा कम्युनिष्ठ पार्टीलाई संस्थापक गर्ने समयका संस्थापक मध्येका एक स्कन्द शर्माका छोरा हुन् । वि.सं. २०३० साल भन्दा पहिलै दाङका शिक्षक वासुदेव गौतम ६ दिन हिडेर रुकुमको खलंगा गई उनले नै त्यहाँ कम्युनिष्टको जग बसालेका थिए । गौतमले रुकुममा कम्युनिष्ट पार्टी स्थापनाका लागि जर्नादन शर्माका बाबु ‘स्कन्द’ लाई पनि छनोट गरेका थिए ।

यसरी जर्नादन कम्युनिष्ट राजनैतिक छत्रछायाँबाट अगाडी बढे । पछि गएर उनी जनमुक्ति सेना नेपालका चारजना डेपुटी कमाण्डरमध्ये एक बनेर आफ्नो भूमिका निर्वाह गरे । यसरी नै उनी सभासद् र माओवादीका केन्द्रीय सदस्य पनि ।

राजनीतिक परिवारमा हुर्केका शर्मा १४ वर्षको हुँदा २०३४ मा तत्कालीन कम्युनिस्ट पार्टी चौमको सदस्यता लिएर राजनीतिमा प्रवेश गरेको पाइन्छ । जनयुद्धको समयमा कहिले सेना कहिले सङ्गठन गर्दै धेरै समय सेती महाकालीतिर बिताए । प्लाटुन, बटालियन कमिसार हुदै डिभिजन कमाण्डर ७ वटा डिभिजन भएपछि प्रभाकर डेपुटी कमाण्डर पनि भएका थिए ।

२०३४ मै पार्टी चौमनको सदस्यता लिएका उनी ०३८ मा तत्कालीन कम्युनिस्ट पार्टीको रुकुम जिल्ला सदस्य भइसकेका शर्माले माओवादी केन्द्रका नेता पुष्पकमल दाहालाई २०४२ मै भेटेका थिए । पश्चात उनको ‘प्रचण्ड’ सँगको सहयात्रा सुरु भयो ।

नाचगानमा मायूर शर्मा २०४६ सालमा नाचे गाएकै आधारमा शान्ति सुरक्षा ऐन अन्तर्गत जेलमा थुनिनु समेत परेको थियो ।

२०४८ सालमा जनमोर्चा नेपालको तर्फबाट सांसद उठेका जनार्दन संविधानसभामा रुकुमको सोही २ नं क्षेत्रबाट संविधान सभामा विजयी भएका थिए ।
शिक्षा शास्त्रमा स्नातक तहसम्म अध्ययन गरेका शर्मा धेरै वर्षसम्म सेती महाकालीको इन्चार्ज भएर सुदूर पश्चिममा काम समेत गरेका हुन् ।
पुष्पकमल दाहालको प्रधानमन्त्रीकालमा शर्मा उर्जामन्त्री बनेका थिए । अहिलेका लोकप्रिय पूर्व नेपाल विद्युत प्राधिकरणका महानिर्देशक कुलमान घिसिङलाई नेपाल विद्युत प्राधिकरणको प्रबन्ध निर्देशकमा उनले नै नियुक्त गरेका थिए ।
कुलमान नियुक्तिकै कारण अहिले पनि शर्माको लोकप्रियतालाई ‘प्लस प्वाईन्ट’ भएको छ । शर्मा उर्जा मन्त्री हुँदा भन्दा पहिला र पछिको अवस्थामा धेरै परिर्वितन भएको देखिँदा अहिले पुनः कोभिडले तहसनहस पारेको अर्थतन्त्रलाई लयमा ल्याउन सहि मान्छे आएको जनताको विस्वास रहेको छ । यस्तै यता सेयर बजार लगानीकर्ताले पनि जर्नादनको आगमनलाई शुभ संकेत मानेका छन् । यसो त सरकारको नेतृत्व परिर्वतन हुँदा समेत बजार सुधारउन्मुख देखिनु नै शर्माप्रति लगानीकर्ताको विस्वास मान्न सकिन्छ ।

२०७८ असार ३१ गते प्रकाशित