माछापुच्छ्रे बैंकको ऋणपत्र आजदेखि बिक्रि खुला
वि.सं.२०७८ असार ३१ बिहीवार
काठमाडौँ । माछापुच्छ्रे बैंकको ऋणपत्र आजदेखि बिक्री तथा निष्काशन खुला भएको छ । बैंकको उक्त ऋणपत्र एक हजार रुपैयाँका दरले ३ अर्ब रुपैयाँ बराबरको ३० लाख इकाई ऋणपत्र आजबाट बिक्रि खुला भएको हो ।
बैंकका अनुसार ३० लाख ऋणपत्रमा १८ लाख बैंक आफैले विभिन्न संघ संस्थालाइ बिक्री गर्ने छ भने १२ लाख इकाइमा सर्वसाधारणले आवेदन दिन सक्नेछन् ।
१२ लाख इकाइमध्ये ६० हजार इकाइ सामूहिक लगानी कोषका लागि छुट्याइएको छ भने ११ लाख ४० हजार इकाईमा सर्वसाधारणले खरिद आवेदन दिन पाउनेछन् ।
१० वर्ष अवधिको ऋणपत्रमा वार्षिक ८.५ प्रतिशत ब्याजदर रहेको छ । यसको निष्कासन तथा बिक्री प्रबन्धकमा नबिल इन्भेस्टमेन्ट बैंकिङ रहेको छ । ऋणपत्रमा न्यूनतम २५ देखि अधिकतम ५ लाख इकाइसम्म आवेदन दिन सकिनेछ ।
ऋणपत्रमा साउन ४ गतेसम्म आवेदन दिन सकिने छ । उक्त अवधिमा माग अनुसार आवेदन नपरेको खण्डमा साउन १७ गतेसम्म आवेदन दिन सकिनेछ । ऋणपत्रमा आस्बा सदस्य रहेका बैंक तथा वित्तीय संस्था र मेरो सेयरबाट आवेदन दिन सकिने छ ।
२०७८ असार ३१ गते प्रकाशित
प्रकाशित समय : ०५:०४ बजे
