काठमाडौँ । नेपाल धितोपत्र बोर्डले नयाँ आर्थिक वर्षका लागि नीति तथा कार्यक्रमको लागि आज शेयरबजारका सरोकारवालाहरुसँग छलफल गर्न लागेको छ । आर्थिक वर्ष २०७८–०७९ नीति तथा कार्यक्रमका लागि धितोपत्र बोर्डले आज दिउँसो जुम मार्फत लगानीकर्ता संघहरु, ब्रोकरहरु, मर्चेन्ट बैंकर्सहरु, केयर रेटिङ एजेन्सी, बजार बिज्ञहरु लगायतका सरोकारवालाहरुसंग छलफल गर्न लागेको हो ।

बोर्डले साय सुझाव लिर्ने र छलफल गर्ने कार्यलाई तिव्रता दिईरहेको बेला आज भर्चुअल माध्यमबाट सुझाव संकलन गर्न लागेको हो ।

बोर्डले यस अघि नै धितोपत्र तथा वस्तु विनिमय बजार सम्बन्धि नीति तथा कार्यक्रमको लागि सल्लाह सुझाव आह्वान गरिसकेको छ भने भने विभिन्न ंसस्था तथा संगठनकहरुले लिखित रुपमा सुझाव पेस गरिसकेका छन् । बोर्डले सम्पूर्ण सरोकारवालालाई बजारको विकास, विस्तार,तथा सुधारको लागि सल्लाह तथा सुझाव दिन अनुरोध गरेको थियो।

बोर्डले असार मसान्त भित्र नै नीति तथा कार्यक्रम सार्वजनिक गर्ने जनाएको छ ।

२०७८ असार २५ गते प्रकाशित