लक्ष्मी बैंकको नयाँ शाखा बुढानिलकण्ठको गणेशचोकमा
वि.सं.२०७८ असार २४ बिहीवार
काठमाडौँ । लक्ष्मी बैंकले आफ्नो नयाँ शाखा बुढानिलकण्ठको गणेशचोकमा सञ्चालनमा ल्याएको छ । बैंकले शाखा सञ्जाल विस्तार गर्ने क्रममा आफ्नो १३०औँ शाखा बुढानिलकण्ठको वडा न. ६ स्थित गणेश चोकमा सञ्चालनमा ल्याएकोे हो ।
शाखामार्फत बैंकले ग्राहकहरुको वित्तीय आवश्यकता पूरा गर्न आवश्यक सम्पूर्ण रिटेल बैंकिङ सेवाका साथै साना तथा लघु व्यवसायीहरु माझ वित्तीय पहुँच पुर्याउने लक्ष्य राखेको छ। यो नयाँ शाखाको साथ लक्ष्मी बैंकको सञ्जाल ४८ जिल्लामा १३० शाखा, ६ एक्सटेन्सन काउन्टर र ५ हस्पिटल सेवा काउन्टर, १५९ एटीएम, २५०० भन्दा बढी रेमिटेन्स् एजेन्ट तथा ६१ शाखारहित बैंकिङ एजेन्टहरु पुगेको छ।
२०७८ असार २४ गते प्रकाशित
प्रकाशित समय : ०८:०३ बजे
