काठमाडौं । निरन्तर ओरालो लागेको सेयर बजार साताको चौंथो कारोबार दिन आज पनि बजार घटेको छ । आज सेयर बजार मापक नेप्से परिसूचक १६.९७ अंकले घटेको २८०१ अंकको बिन्दुमा कायम भएको छ । यो दिन २२२ कम्पनीको १ करोड १७ लाख ६४ हजार २०७ कित्ता सेयर किनबेच हुँदा ४ अर्ब ५८ करोड ५८ लाख ६१ हजार रुपैयाँ बराबरको सेयर कारोबार भएको छ ।

यस्तै आज डेभलपमेन्ट बैंक र माइक्रोफाइनान्सबाहेक सबै राताम्मे बनेका छन् । डेभलपमेन्ट बैंक ११.०६ अंक र माइक्रोफाइनान्स १९.१९ अंकले वृद्धि भएका छन् ।

उक्त दिन छिमेक लघुवित्त विकास बैंकको सर्वाधिक सेयर कारोबार भएको छ । कम्पनीको ४३ करोड ५४ लाख २७ हाजर रुपैयाँ बराबरको कारोबार भएको हो ।

कारोबारकै आधारमा दोस्रो स्थानमा रहेको अप्पर तामाकोशी हाइड्रोपावरको २६ करोड १६ लाख र तेस्रो स्थानमा रहेको हिमालयन डिस्टीलरीको २३ करोड ५३ लाख ७७ हजार रुपैयाँ बराबरको कारोबार भएको छ ।

२०७८ असार २३ गते प्रकाशित