अजोड इन्स्योरेन्स तेस्रो वार्षिक वार्षिकोत्सव सम्पन्न
वि.सं.२०७८ असार २२ मंगलवार
काठमाडौँ। अजोड इन्स्योरेन्स लिमिटेडले तेस्रो वार्षिक वार्षिकोत्सव गरेको छ । कम्पनीले वार्षिकोत्सव कम्पनीकै प्रधान कार्यालय सि.टि.सि. मल सुन्धारामा रक्तदान कार्यक्रम गरि वार्षिकोत्सव मनाएको हो । उक्त कार्यक्रममा कम्पनीका प्रमुख कार्यकारी अधिकृत लगायत कम्पनीको कर्मचारी र आगन्तुक समेत गरी ३५ जनाले रक्तदान गरेका छन् ।
कम्पनीले केन्द्रिय कार्यालयसहित सातै प्रदेशका प्रादेशिक कार्यालय तथा देशभकिा विभिन्न २२ वटा शाखा कार्यालय, १७ वटा उपशाखा कार्यालय गरि जम्मा ४७ वटा कार्यालयहरु, ३ वटा तेश्रो पक्ष बीमा काउण्टरहरु र ७ वटा बीमा काउण्टर मार्फत् बीमा सेवा प्रदान गर्दै आईरहेको छ । कम्पनीको सम्पूर्ण कार्यालय र बीमा काउण्टरहरुमा करिब २६७ जना कर्मचारी कार्यरत रहेका छन् ।
कम्पनीले प्रदान गर्ने बीमा सेवालाइ छिटो छरितो भरपर्दो र स्तरीय बनाउदै लैजानका लागि वेव बेस सिस्टम र कम्प्युटर बिलिङको व्यवस्था गरेको छ । भने ग्राहकहरुलाई दावी भुक्तानी प्रक्रियालाई छिटो छरितो बनाउने उदेश्यले फास्ट दावी भुक्तानी नीति अवलम्वन गरि२ लाख सम्मको दावी तत्कालै भुक्तानी गर्ने व्यवस्था गरेको छ ।
कम्पनीले Integrated MIS System, Investment Software, Group SMS System, AJOD Chat board को शुरुवात गरि सकेको छ । त्यसैगरी Digital Payment Gateway का लागि कम्पनीले IME Pay, Prabhu Pay, NICASIA Phone Pay, Cell Pay, Khalti, e-Sewa , Pay well, Connect IPS आदि सेवाहरु समेतको शुरुवात गरिसकेको छ ।
चालु आर्थिक बर्षको असार २१ गतेसम्म कम्पनीको चुक्ता पूँजी १ अर्व रुपैयाँ र लगानी १४७.३१ करोड र कुल दाबी भुक्तानी ५८.९७ करोड (कोरोना बीमा दाबी भुक्तानी १२.९७ करोड र अन्य बीमा दाबी भुक्तानी ४६ करोड) रहेको छ ।
कम्पनीले प्रविधिमा आधारित बीमा सेवा प्रदान गर्ने लक्ष्य अनुरुप आगामी दिनमा म्ष्नष्तब िक्ष्लकगचबलअभ एयष्अिथ जारी गर्ने प्रकृयामा रहेको छ । साथै आगामी दिनमा कम्पनीले बीमा सेवाको पहुँच बढाउनको लागि देशका सुगम देखी दुर्गम क्षेत्रमा समेत आफनो बीमा सेवा बिस्तार गर्दै लैजाने लक्ष्य लिएको छ । त्यसैगरी ग्राहकहरुको आवश्यक्ताका आधारमा केही नयाँ बीमालेखहरु पनि प्रचलनमा ल्याउने तयारी गरेको छ ।
कोरना भाइरस (कोभिड–१९) दोस्रो लहरको माहामारीको विषम परिस्थितिका वावजुत हाल सम्म १ लाख २० हजार ७०६ बीमालेख जारी गरी १२०.८३ करोड बीमा शुल्क आर्जन गर्न सफल भएको कम्पनीले जनाएको छ ।
२०७८ असार २२ गते प्रकाशित
प्रकाशित समय : ०५:०३ बजे
