काठमाडौँ । राधी विद्युत कम्पनीले साधारण सभा गर्ने मिति तय गरेको छ । कम्पनीको अषाढ ७ गते बसेको संचालक समितिको बैठकले अषाढ २९ गते वार्षिक साधारण सभा बोलाएको हो । सभा कम्पनीको केन्द्रिय कार्यालय त्रिपुरेश्वर, काठमाडौंमा विहान ११ बजे भर्चुअल माध्यमबाट हुनेछ ।

सभा प्रयोजनार्थका लागि कम्पनीले भोलि असार १५ गतेदेखि सभा हुने दिनसम्म बुक क्लोज गर्नेछ । तसर्थ कम्पनीको सोही लाभांश सुरक्षित गर्ने आज अन्तिम दिन रहेको हो ।

सभामा कम्पनिको संचालक समितिको बैठकले गत आर्थिक वर्षको मुनाफाबाट सेयरधनीहरूलाइ ३६.५० प्रतिशत लाभाशं वितरण गर्ने प्रस्ताव पारित गर्नेछ । सभामा कम्पनीले गत आर्थिक वर्ष २०७६÷७७ बाट सञ्चित मुनाफाबाट हाल कायम चुक्ता पूँजी ४७ करोड ३५ लाख रुपैयाँको ३६.५० प्रतिशतले हुन आउने १७ करोड २८ लाख रुपैयाँ बराबरको बोनस सेयर वितरण गर्ने प्रस्ताव पारित गर्नेछ ।

त्यस्तै, सभामा कम्पनीको प्रवन्धपत्र तथा नियमावली संसोधन गर्ने प्रस्ताव पारित गर्नेछ । त्यस्तै, सभामा कम्पनीले १४७।५२ प्रतिशत हकप्रद जारी गर्ने प्रस्ताव पनि पारित गर्नेछ । कम्पनीले ९५ लाख ३५ हजार ७ सय ६० कित्ता हकप्रद कित्ता बिक्री गर्ने प्रस्ताव साधारण सभामा पेश गर्नेछ । कम्पनीले आर्थिक वर्ष २०७६–०७७ सम्मको मुनाफाबाट वितरण हुने ३६।५० प्रतिशत बोनस शेयर वितरण पश्चात कायम हुने चुक्ता पुंजीको १४७।५२ प्रतिशत हकप्रद जारी गर्ने प्रस्ताव पारित गर्नेछ ।

बोनस शेयर वितरणपश्चात कम्पनीको चुक्ता पूँजी ६४ करोड ६४ लाख ४ हजार ६ सय २२ पुग्नेछ । हाल कम्पनीको चुक्ता पुंजी ४७ करोड ३५ लाख ५६ हजार ५ सय रहेको छ ।

२०७८ असार १४ गते प्रकाशित