काठमाडौँ । सिन्धु विकास बैंक लिमिटेडले आज (असार ११ गते शुक्रबार) सिन्धुपाल्चोकमा नयाँ शाखा विस्तार गरेको छ । बैंकले जिल्लाको बलेफी गाउँपालिकास्थित लामोसाँघु बजारमा बैंकको २४औं शाखा स्थापना गरी बैंकिङ्ग कारोबार शुभारम्भ गरेको हो ।

आजबाट सञ्चालनमा आएको उक्त शाखाको उद्घाटन बैंकका संस्थापक अध्यक्ष राजेन्द्र कुमार श्रेष्ठले गरेका छन्।

हालसम्म कुनैपनि बैंक तथा वित्तिय संस्थाहरुको उपस्थिति नरहेको बताउँदै उक्त स्थानमा स्थानीयवासीलाई सघन वित्तिय पहुँच पुर्याउने उद्धेश्य सहित शाखा विस्तार गरेको अध्यक्ष श्रेष्ठले बताए ।

उक्त शाखाबाट सम्पूर्ण बैंकिङ्ग सेवाहरु सहित डिजिटल सेवाहरु जस्तै : कनेक्टेड आइपीएस, एटिएम, मोबाईल बैंकीङ्ग तथा क्यू आर कोडको सेवा समेत उपलब्ध हुनेछ ।
भविष्यमा आफ्ना ग्राहकहरुलाई अझै सधन र सर्वसूलभ बैंकिङ्ग सेवाहरु प्रदान गर्दै जाने बैंकले लक्ष्य लिएको सिईओ रमेश प्रसाद जोशी बताएका हुन् ।

२०७८ असार ११ गते प्रकाशित