काठमाडौँ । सरकारले कोरोना महामारीकै बीच पनि राजस्व संकलनलाई भने लक्ष्यको नजिकै पुर्याएको छ । महालेखा नियन्त्रकको कार्यालय अनुसार चालु आर्थिक वर्षको ११ महिनामा सरकार अधिकतम ८ खर्ब ९४ करोड माथिको राजस्व उठाउन सफल भएको हो। जुन लक्ष्यको ८०.०१ प्रतिशत हो । चालु आर्थिक वर्षका लागि सरकारले कुल १० खर्ब ११ अर्ब ७५ करोड राजस्व संकलन लक्ष्य राखेको थियो ।

यस्तो राजस्व कर तर्फ ७ खर्ब ५६ अर्ब ५० करोड अर्थात् लक्ष्यको ८२.८६ प्रतिशत र गैर–कर तर्फ ५२ अर्ब ९४ करोड अर्थात् लक्ष्यको ५३.५९ प्रतिशत उठाउन सफल भएको महालेखाको तथ्याङ्कले देखाएको छ । यस्तो लक्ष्य सरकारले गैर–कर तर्फ कुल ९८ अर्ब ८० राखेको थियो ।

यता, अनुदान तर्फ भने कुल ६० अर्ब ५२ करोड उठाउने लक्ष्य राखेको सरकारले ११ महिनामा लक्ष्यको १६.६५ प्रतिशत अर्थात् १० अर्ब ७५ करोड मात्र उठेको छ ।

२०७८ जेठ ३१ गते प्रकाशित