शोभा ज्ञवाली
उम्मेदवार–कार्यकारी सदस्य
नेपाल उद्योग बाणिज्य महासंघ
६०औं वार्षिक साधारण सभा एवम निर्वाचन २०८२

काठमाडौं । नेपाल उद्योग बाणिज्य महासंघ ९एफएनसीसीआई० को आगामी निर्वाचनमा उद्योगी शोभा ज्ञवालीले एसोसिएट प्यानलबाट कार्यकारी सदस्य पदका लागि उम्मेदवारी घोषणा गरेकी छन् । उनले उद्योग र निजी क्षेत्रलाई जोड्दै देशको आर्थिक विकासमा महासंघको भूमिकामा जोड दिइन् ।

ज्ञवालीले महासंघलाई ‘देशको आर्थिक विकासका लागि दुई मुख्य स्तम्भ–नीति निर्माताहरू र निजी क्षेत्रको संयोजन गर्ने प्लेटफर्म’का रुपमा वर्णन गर्दै, निजी क्षेत्रको पूरानो संस्था भएको महासंघले देशको उद्यमशीलतालाई प्रवर्द्धन गर्न महत्वपूर्ण भूमिका खेल्नुपर्ने बताइन् । उनले ६० वर्षे इतिहास भएको महासंघलाई ‘लोकलबाट ग्लोबल बजारसम्म नेपाली उत्पादनलाई चिनाउने माध्यम’ बन्नुपर्ने बताइन् ।

उद्योग वाणिज्य महासंघमा उम्मेदवारी दिने कारणको व्याख्या गर्दै ज्ञवालीले भनिन्, ‘यदि हामीले देशको अर्थतन्त्रलाई अगाडि बढाउन चाहन्छौं भने सबै उद्योगीहरुको आवाजलाई व्यवस्थित गरेर राज्यसँग समन्वय गर्न सकिन्छ । यसैले म एसोसिएट प्यानलबाट कार्यकारी सदस्य बन्न इच्छुक छु ।’
ज्ञवालीले आफ्नो प्यानलको संरचना पनि प्रस्तुत गरिन् । उनले प्यानलमा वरिष्ठ उपाध्यक्ष हेमराज ढकाल र उपाध्यक्ष जोस्ना श्रेष्ठ रहेको जानकारी दिँदै आफ्नो उम्मेदवारी दोस्रो कार्यकालका लागि रहेको बताइन् ।

उनी भन्छिन्, ‘मैंले विगत १५ वर्षदेखि युवा र महिला उद्यमीहरुलाई आर्थिक सशक्तिकरणतर्फ अगाडि बढाउँदै आएको छु । विभिन्न राष्ट्रिय र अन्तर्राष्ट्रिय प्रदर्शनीमा ‘मेड इन नेपाल’ उत्पादनको प्रवद्र्धन गर्दै मन्त्रालयसँग नीति समन्वय गर्दै आएको अनुभवले मलाई कार्यकारी सदस्यका रूपमा योग्य बनाउँछ ।’

ज्ञवालीले पर्यटन, कृषि, ह्यान्डिक्राफ्ट, टेक्सटाइल लगायतका क्षेत्रलाई प्राथमिकतामा राख्दै नेपाली उत्पादनको अन्तर्राष्ट्रिय मान्यता बढाउने योजनाबारे पनि चर्चा गरिन् । उनले भनिन्, ‘लोकल टु ग्लोबल अवधारणालाई प्रवद्र्धन गरी देशको रोजगार सिर्जना र स्वरोजÞगार प्रवद्र्धन गर्न सकिन्छ ।’

उनी सरकारसँग सहकार्यको पक्षमा छिन् र भन्छिन्, ‘नयाँ सरकारको पहल सकारात्मक देखिन्छ । हामीले नीति र प्रोत्साहन ल्याएर उद्योगीहरुलाई सहयोग गर्ने वातावरण बनाउनु पर्छ ।’ उनले उद्योग वाणिज्य महासंघको प्लेटफर्मबाट साना, मझौला र युवा उद्यमीलाई प्रवद्र्धन गर्नुपर्ने बताइन् ।

ज्ञवालीले आफ्नो प्राथमिकता स्पष्ट पार्दै भनिन्, ‘महत्त्वपूर्ण कुरा भनेको उद्योग वाणिज्य महासंघको प्लेटफर्मबाट साना, मझौला र युवा उद्यमीलाई प्रवर्द्धन गर्नु हो । हरेक क्षेत्रको आवश्यकता अनुसार नीति ल्याउनु पर्दछ । यसमा स्थानीय, प्रदेश र संघीय तहलाई ध्यानमा राख्नु आवश्यक छ ।’

ज्ञवालीको उम्मेदवारीले महिला उद्यमशीलता र युवा नेतृत्वलाई बल पुर्याउने अपेक्षा गरिएको छ ।
निर्वाचित भएमा प्राथमिकता के हुने भन्ने प्रश्नमा ज्ञवालीले पर्यटन क्षेत्रलाई उच्च प्राथमिकतामा राख्ने बताइन् । उनका अनुसार पर्यटनसँग कृषि, हस्तकला, सेवा लगायतका क्षेत्र प्रत्यक्ष रूपमा जोडिएका छन् । ‘पर्यटन विकासले समग्र अर्थतन्त्र चलायमान बनाउँछ र स्थानीय स्तरमा जीवनस्तर उकास्न मद्दत गर्छ,’ उनले भनिन् ।

नेपालका हिमाल, संस्कृति, आतिथ्यता र प्राकृतिक सम्पदालाई ‘तयार उत्पादन’का रूपमा विश्वसामु प्रस्तुत गर्नुपर्ने उनको धारणा छ । साथै, पर्यटकमैत्री वातावरण, पूर्वाधार सुधार, सरसफाइ र सुरक्षा व्यवस्थामा ध्यान दिनुपर्ने उनले औंल्याइन् ।

उनले नीति निर्माण मात्र नभई कार्यान्वयनमा समेत जोड दिनुपर्ने बताउँदै हिमाल, पहाड र तराईको भौगोलिक विविधता अनुसार नीति बनाइनुपर्ने धारणा राखिन् । उनले राज्य र निजी क्षेत्रबीच सहकार्य बलियो बनाएर व्यवसायमैत्री वातावरण निर्माण गर्न सकिने विश्वास व्यक्त गरिन् । उनले आफू निर्वाचित भएमा साना, मझौला र युवा उद्यमीको आवाजलाई महासंघमार्फत राज्यसम्म पुर्याउँदै देशको अर्थतन्त्र मजबुत बनाउन सक्रिय रहने प्रतिबद्धता जनाइन् ।