काठमाडौं । प्रतिनिधि सभा विघटन सम्बन्धी गठित संवैधानिक इजलासमा विवाद उत्पन्न भएपछि नयाँ इजलास गठन हुने भएको छ । संवैधानिक इजलास गठनका विषयमा सर्वोच्च अदालत र सर्वोच्च अदालत बार एसोसिएसनबीच सहमति भएको छ। अब वरिष्ठताका आधारमा बेन्च तोकिने भएको छ।

प्रधानन्यायाधीश जबरासँगको छलफलमा वरिष्ठताका आधारमा संवैधानिक इजलासमा न्यायाधीश तोक्ने सहमति भएको बार अध्यक्ष प्रा.पूर्णमान शाक्यले बताए। “संवैधानिक इजलासमा न्यायाधीश तोक्दा वरिष्ठताका आधारमा तोक्ने सहमति भएको छ,” अध्यक्ष प्रा शाक्यले भने।

प्रतिनिधि सभा विघटन विरुद्ध रिट दिएका निवेदकको तर्फबाट संवैधानिक इजलासमा रहेका न्यायाधीशद्वय तेजबहादुर केसी र बमकुमार श्रेष्ठका विषयमा प्रश्न उठाइएको थियो। निवेदक तर्फका कानून व्यवसायीले न्यायाधीशद्वय केसी र श्रेष्ठलाई संवैधानिक इजलासबाट अलग हुन सुझाव दिएका थिए।

२०७८ जेठ १८ गते प्रकाशित