काठमाडौं । उद्योगी तथा ब्यापारी विनोद चौधरीको सीजी कम्युनिकेसन्सले मंगलबारदेखि काठमाडौं उपत्यकामा इन्टरनेट सेवा सञ्चालनमा ल्याएको छ ।
इन्टरनेट उपभोक्तालई नेपाली बजारमा अन्य भन्दा आधा सस्तो मूल्य पर्ने गरी सेवा उपलब्ध गराउने कम्पनीले जनाएको छ ।
सीजी कम्युनिकेसन्सले १२० एमबीपीएस गतिको ‘सीजी नेट’ ९९९ रुपैयाँमा उपलब्ध गराउने जनाएको छ । उपभोक्ताकेन्द्रित सेवा सुरु गरिएको र यसले उपभोक्ताको जीवनमा बिल्कुलै नयाँ अनुभव गराउने विश्वास सीजी कम्युनिकेसन्सको छ ।

उच्च गतिको इन्टरनेट सेवाबाट उपभोक्ताको कार्यक्षमतामा सकारात्मक प्रभाव पर्ने र सार्वजनिक एवं निजी क्षेत्रबाट प्रवाह हुने सेवाको गुणस्तरमा सुधार आउने अपेक्षा गरिएको कम्पनीले जनाएको छ ।

उच्च गतिको इन्टरनेट सेवाबाट उपभोक्ताको कार्यक्षमतामा सकारात्मक प्रभाव पर्ने कम्पनीले बताएको छ । सीजी कम्युनिकेसन्सले जम्मा ९९९ रुपैयाँमा १२० एमबीपीएस गतिको इण्टरनेट सेवा उपलब्ध गराउन थालेको जनाएको छ ।

‘सीजी नेट’ दूरसञ्चार प्राधिकरणबाट देशव्यापी इन्टरनेट सेवाप्रदायक (आईएसपी) को अनुमति पाएको छ । कम्पनीले शुरुवाति चरणमा काठमाडौं उपत्यकाका तीनवटै जिल्लामा सेवा उपलब्ध गराउने जनाएको छ । हालका लागि भने ललितपुरको जावलाखेल, झम्सिखेल, भनिमण्डल र एकान्तकुनाका बासिन्दाले कम्पनीको सेवा प्राप्त गर्न सक्ने छन् ।

एक वर्षभित्रै उपत्यकाका सबै क्षेत्रमा ‘सीजी नेट’ विस्तार हुने कम्पनीले जनाएको छ । सीजी नेटको वार्षिक प्याकेज लिने उपभोक्ताले यसको जडान र राउटर निःशुल्क पाउने छन् । मासिक, ३ महिने र ६ महिने प्याकेज लिँदा जडान र केबल निःशुल्क दिइने कम्पनीले बताएको छ ।

सीजी नेट देशव्यापी इन्टरनेट सेवाप्रदायक (आईएसपी) हो, जसले व्यावसायिक र व्यक्तिगत दुवैका लागि इन्टरनेट सेवा उपलब्ध गराउनेछ । कम्पनीले निकट भविष्यमै आईपीटीभी र अन्य लोकप्रिय सेवा पनि बजारमा ल्याउने जनाएको छ ।

हालका लागि सीजी डिजिटलका शाखा जावलाखेल, कुमारीपाटी, कीर्तिपुर, नयाँबजार, मीनभवन र ट्रेड टावर थापाथलीमा हुने जनाइएको छ ।

सेवा शुभारम्भका अवसरमा १२० एमबीपीएस गतिको इन्टरनेटका लागि मासिक ९९९ रुपैयाँ शुल्क तोकेको जनाइएको छ । वार्षिक प्याकेज लिने उपभोक्ताका लागि जडान र राउटर निःशुल्क गरिएको छ । त्यस्तै, मासिक, तीनमहिने र ६ महिने प्याकेज लिँदा जडान र केबल निःशुल्क हुने कम्पनीले जनाएको छ ।

२०७८ जेठ १८ गते प्रकाशित