काठामाडौँ । काठमाडौं उपत्याका निषेधाज्ञा खुकुलो बनाउने तयारी थालिएकोछ । तीन ओटै जिल्लाका प्रमुख जिल्ला अधिकारीहरु एक सातादेखि बन्द खाद्य पसबन्द रहेका खाद्य पसलहरु खोल्ने बारे छलफलमा जुटेका हुन् ।

एक साता देखि बन्द रहेका खाद्य पसल खुलाउने प्रावधान सहित थप एक साता लकडाउन गर्नेबारे छलफल हुने भएको छ ।

काठमाडौं, भक्तपुर र ललितपुरका प्रमुख जिल्ला अधिकारीको बैठकमा छलफल भइरहेको काठमाडौंका प्रमुख जिल्ला अधिकारी कालिप्रसाद पराजुलीले जानकारी दिएका छन् ।

पाँच वटा सेक्टरलाई शर्तसहित चल्न दिनेबारे छलफल भइरहेको छ । खाद्य–किराना पसल र खाद्यका मात्रै सामाग्री बेच्नेगरी ग्रोसरी र डिपार्टमेन्टल स्टोरहरुलाई बिहान एक समय खोल्न दिने निर्णय हुन्छ होला,प्रजिअ पराजुलीले भने । उनका अनुसार निर्माण सामाग्री ढुवानी गर्ने सवारी साधन र भन्सार विन्दुबाट छुटेका सवारीलाई सशर्त चल्न दिइनेछ ।

सार्वजनिक निर्माण सामाग्री ढुवानी गर्ने सवारीलाई रातीदेखि बिहान ५ बजेसम्म र सीमा भन्सारबाट छुटेका सवारीलाई निर्वाध चल्न दिनेबारे छलफल भइरहेको छ,उनले भने ।

अव निषेधाज्ञाको मोडालिटि परिवर्तन गदै स्वास्थ्य सुरक्षाका सबै मापदण्ड अपनाएर लकडाउन थप खुकुलो बनाउने निर्णय हुने सा्रेतले जनाएको हो । १४ गतेबाट एक साता लकडाउन थप गदै खाद्य पसलहरु समेत नखोल्न, अनावश्यक हिडुल गर्न रोक लगाईको थियो ।

प्छिल्ल्लो केहि दिन यता सरकाराले कोरोना परिक्षणको दायरा घटाएसंगै कोरोना संक्रमित हुनेको संख्या घटेको छ । त्यसैगरी पछिल्ला दिनमा कोरोना संक्रमण निको हुनेको संख्या पनि उल्लेख्य रुपले बढ्न थालेको छ ।

२०७८ जेठ १८ गते प्रकाशित