काठमाडौं । ओरिएण्टल इन्स्योरेन्स कम्पनीको चालु आर्थिक वर्षको तेस्रो त्रैमासमा खुद बीमा शुल्क ९.९० प्रतिशतले बढाएको छ । गत आर्थिक वर्षको चैत मसान्तसम्ममा ५९ करोड ६८ लाख ३३ हजार रुपैयाँ खुद बीमा शुल्क आर्जन गरेको यस कम्पनीले अहिले ६५ करोड ५९ लाख ५७ रुपैयाँ आर्जन गरेको छ ।

तर यता चालु आर्थिक बर्षको तेस्रो त्रैमासमा कम्पनीको खुद नाफा भने ३२.५७ प्रतिशतले घटेको छ । समिक्षा अवधिमा कम्पनीेले २५ करोड १२ लाख रुपैयाँ आर्जन गरेको छ । गत आर्थिक बर्षको सोहि अवधिमा ३७ करोड २५ लाख रुपैयाँ खुद नाफा आर्जन गरेको थियो ।

गत आर्थिक बर्षको सोहि अवधिमा कम्पनीको बीमा कोषमा ६९ करोड ९७ लाख रुपैयाँ रहेको थियो भने चालु आर्थिक बर्षको यस अवधिमा बीमा कोषमा ९१ करोड ७६ लाख रुपैयाँ रहेको छ । कम्पनीको जगेडा कोषमा ७ करोड ८८ लाख रुपैयाँ संचिती रहेको छ ।

यस अवधिमा कम्पनीको खुद दाबी भुक्तानी ३१.४१ प्रतिशतले बढेर ३८ करोड ९४ लाख रुपैयाँ गरेको छ । गत आर्थिक बर्षको सोहि अवधिमा कम्पनीले २९ करोड ६३ लाख रुपैयाँ खुद दाबी भुक्तानी गरेको थियो । यस अवधिमा कम्पनीको जगेडा कोषमा ७ करोड ८८ लाख रुपैयाँ रहेको छ ।

यस अवधिमा कम्पनीको प्रतिशेयर आम्दानी १८ रुपैयाँ ७२ पैसा रहेको छ । गत आर्थिक बर्षको सोहि अवधिमा १० रुपैयाँ १७ पैसा रहेको थियो । कम्पनीको नेटवर्थ प्रतिशेयर १७८ रुपैयाँ ७७ पैसा रहेको छ । गत आर्थिक बर्षको सोहि अवधिमा कम्पनीको २ सय रुपैयाँ ३५ पैसा रहेको थियो ।

२०७८ जेठ ७ गते प्रकाशित