काठमाडौं । देशमा संचालित २० वाणिज्य बैंकको मुनाफा घटेको छ । बैंकहरुले सार्वजनिक गरेको चालु आर्थिक वर्षको दोस्रो त्रैमाससम्मको वित्तीय विवरण अनुसार मुनाफा ४..६२ प्रतिशतले घटेको हो ।

चालु आर्थिक वर्षको ६ महिनामा २० वाणिज्य बैंकले २७ अर्ब ४३ करोड ६९ लाख ९४ हजार रुपैयाँ नाफा आर्जन गरेको छ । गत आर्थिक वर्षको सोहि अवधिमा वाणिज्य बैंकको यस्तो नाफा १८ अर्ब ७६ करोड ५२ लाख ४० हजार रुपैयाँ रहेको थियो ।

चालु आवको पुष मसान्तसम्ममा सबैभन्दा बढि नाफा कमाउनेमा नबिल बैंक रहेको छ । यसअवधिमा बैंकको नाफा ३ अर्ब २४ करोड ४२ लाख रुपैयाँ रहेको छ । गत आर्थिक वर्षको सोहि अवधिमा बैंकको नाफा ३ अर्ब २० करोड ३० लाख रुपैयाँ रहेको थियो ।

दोस्रो नम्बरमा ग्लोबल आइएमई बैंक रहेको छ । बैंकको नाफा ४९.५१ प्रतिशतले बढेर ३ अर्ब ५ करोड ३४लाख रुपैयाँ पुगेको छ । गत आर्थिक वर्षको सोहि अवधिमा बैंकको नाफा २ अर्ब ४ करोड २३ लाख रुपैयाँ मात्र रहेको थियो ।

त्यसैगरी, यसैअवधिमा बढि नाफा वृद्धिमा भने प्रभु बैंक र नेपाल इन्भेष्टमेन्ट मेगा बैंक देखिएका छन् । प्रभु बैंकको नाफा ८५.४९ प्रतिशतले बढेर १ अर्ब ३३ करोड रुपैयाँ पुगेको छ भने इन्भेष्टमेन्ट मेगाको ५७.१८ प्रतिशतले बढेर २ अर्ब ८३ करोड रुपैयाँ पुगेको छ ।

त्यसैगरी, साउनदेखि पुष मसान्तसम्ममा एभरेष्ट बैंकको नाफा २१.११ प्रतिशतले बढेर २ अर्ब ७ करोड, एनएमबि बैंकको ४५.६१ प्रतिशतले बढेर २ अर्ब ३५ लाख, प्राइमकको १४.३४ प्रतिशतले घटेर १ अर्ब ८६ करोड, स्टाडन्र्ड चार्टडको ४.९७ प्रतिशतले घटेर १ अर्ब ६४ करोड, हिमालयन बैंकको ०.९८ प्रतिशतले बढेर १ अर्ब५१ करोड, सानिमा बैंकको ४.७२ प्रतिशतले बढेर १ अर्ब १९ करोड र लक्ष्मी सनराइज बैंकको ९.७१ प्रतिशतले बढेर १ अर्ब १६ करोड रुपैयाँ रहेको छ ।