काठमाडौं । नेपाल बीमा प्राधिकरणले चालु आर्थिक वर्षको पाँच महिनामा जीवन बीमा व्यवसाय गर्ने बीमकहरूकोे विभिन्नबीमालेखहरूबाट संकलन गरेको कुल बीमा शुल्कको प्रदेशगत विवरण सावर्जनिक गरेको छ ।

चालु आवाको पहिलो पाँमहिनामा बीमकहरूको प्रदेशगत व्यापार ६६ अर्ब १४ करोड ५३ लाख रुपैयाँ कुल बीमा शुल्क आर्जन गरेका छन् । बीमकहरूले साउनदेखि मंसिर मसान्तसम्ममा १ करोड ३८ लाख ३८ हजार ८७७ बीमा पोलिसी जारी गरेर सो व्यापार गरेको हो ।

बीमकहरूले मंसिर मसान्तसम्ममा सबै भन्दा बढि व्यावसाय बाग्मती प्रदेशमा गरेको छ भने बीमकहरूले सोहि अवधिमा कम व्यावसाय कर्णाली प्रदेशमा गेको छ ।

बीमकहरूले बाग्मती प्रदेशमा २९ लाख ५१ हजार ४०२ बीमा पोलिसी जारी गरेर २८ अर्ब ४० करोड ३४ लाख रुपैयाँ कुल बीमा शुल्क आर्जन गरेको देखिन्छ भने कर्णाली प्रदेशमा २ अर्ब ५३ लाख रुपैयाँ मात्रै प्रिमियम संकलन गरेका छन् ।

यो अवधिमा बीमकहरूले सावधिक जीवन बीमाबाट २० लाख ४१ हजार ६३८ बीमा पोलिसी जारी गरेर २४ अर्ब २९ करोड २८ लाख रुपैयाँ कुल बीमा शुल्क आर्जन गरेका छन् । आग्रिम भुक्तानी सावधिक जीवन बीमा १४ अर्ब ४१ करोड ३० लाख, रुपान्तरित सावधिक जीवन बीमाबाट ८ अर्ब ६२ करोड ४५ लाख, बालबच्चा सम्बन्धि सावधिक जीवन बीमाबाट १० अर्ब ४६ करोड ९१ लाख रुपैयाँ कुल बीमा शुल्का आर्जन गरेका हुन् ।

त्यसैगरी सोहि अवधिमा बीमकहरूले वैदेशिक रोजगार म्यादि जीवन बीमा १ अर्ब ३८ करोड १ लाख, आविवन जीवन बीमा १ अर्ब ७६ करोड ९१ लाख, एकल बीमा शुल्क जीवन बीमा २ अर्ब ३३ करोड ५८ लाख, म्यादि जीवन बीमा ५५ करोड ८१ लाख, लघु जीवन बीमा १ अर्ब १९ लाख र अन्य जीवन बीमा १ अर्ब ३० करोड ५ लाख रुपैयाँ प्रिमियम संकलन गरेको सावर्जनिक तथ्यांकमा छ ।