काठमाडौँ । साताको दोस्रो कारोबार दिन नेप्से परिसूचक आज २०.७१ अंकले बढेर २७६९.२२ को बिन्दूमा कायम भएको छ । यो दिन कारोबारमा आएका २१८ कम्पनीको १ करोड ९० लाख ५६ हजार २३६ कित्ता कारोबार हुँदा ९ अर्ब ५७ करोड ६३ लाख ६१ हजार रुपैयाँ बराबरको कारोबार भएको छ ।

यो दिन सबै समूहका उपसुचकहरु हरीया देखिए पनि तीन समूहको उपसूचकमा भने रातो देखिएको छ । आज डेभलपमेन्ट बैंक, होस्टल एण्ड टुरीजम र उत्पादपन तथा प्रशोधन समुहको उपसूचक घटेर बन्द भएका हुन् ।

यस्तै यो दिन आज रुरु जलविद्युत कम्पनीका लगानीकर्ता मालामाल भएका छन् । आज यो कम्पनीको सेयर मूल्य ८८ रुपैयाले बढेर सकरात्मक सर्किट हानेको हो । त्यस्तै समता लघुवित्त वित्तिय संस्था, राधे विद्युत कम्पनी, कर्पोरेट डेभलपमेन्ट बैंक, प्रोग्रेसिभ फाइनन्स, गुँसार लघुवित्त वित्तिय संस्था, अरुण हाईँड्रो, पञ्चकन्या माई हाईड्रो, नेपाल फाइनान्स, रिडि हाईड्रो र खानी खोला हाइड्रोका लगानीकर्ताले आज लगभग १० प्रतिशतकै हाराहारीमा आफ्नो सेयर मूल्य बढाएका हुन् ।

यसरी नै आजको दिन ८ ओटा ऋणपत्र सहित ७० कम्पनीको सेयर मूल्य घटेको हो । यो दिन ‘१०.२५ प्रतिशत एनबीबीएल ऋणपत्र २०८५’, ‘एनआईसी एसिया ऋणपत्र ०८२–८३’, विशाल बजार लगायतका कम्पनीको सेयर मूलयमा गिरावट आएको हो ।

 

२०७८ जेठ ३ गते प्रकाशित